ﺷﻮﮐﺖ ﻋﻠﯽ خاں, ﻓﺎﻧﯽ بدایونی 13/ ستمبر 1879ﺀ ﻣﯿﮟ ﺑﺪﺍﯾﻮں ﻣﯿﮟ ﭘﯿﺪﺍ ﮨﻮﺋﮯ۔ ﻓﺎﻧﯽ ﮐﮯ ﻭﺍﻟﺪ ﻣﺤﻤﺪ ﺷﺠﺎﻋﺖ ﻋﻠﯽ ﺧﺎﻥ ﻣﺤﮑﻤﮧ ﭘﻮﻟﯿﺲ ﻣﯿﮟ ﺍﻧﺴﭙﮑﭩﺮ ﺗﮭﮯ۔ ﺭﻭﺵ ﺯﻣﺎﻧﮧ ﮐﮯ ﻣﻄﺎﺑﻖ ﭘﮩﻠﮯ ﻋﺮﺑﯽ ﺍﻭﺭ ﻓﺎﺭﺳﯽ ﮐﯽ ﺗﻌﻠﯿﻢ ﺣﺎﺻﻞ ﮐﯽ۔ ﺍﺱ ﮐﮯ ﺑﻌﺪ ﺍﻧﮕﺮﯾﺰﯼ ﭘﮍﮬﯽ ﺍﻭﺭ 1901ﺀ ﻣﯿﮟ ﺑﺮﯾﻠﯽ ﺳﮯ ﺑﯽ ﺍﮮ ﮐﯿﺎ۔
ﮐﺎﻟﺞ ﭼﮭﻮﮌﻧﮯ ﮐﮯ ﺑﻌﺪ ﮐﭽھ ﻋﺮﺻﮧ ﭘﺮﯾﺸﺎﻧﯽ ﮐﮯ ﻋﺎﻟﻢ ﻣﯿﮟ ﮔﺰﺍرﺍ ﻟﯿﮑﻦ ﺷﻌﺮ ﻭ ﺳﺨﻦ ﮐﯽ ﺩﻟﭽﺴﭙﯿﺎﮞ ﺍﻥ ﮐﯽ ﺗﺴﻠﯽ ﮐﺎ ﺫﺭﯾﻌﮧ ﺑﻨﯽ ﺭﮨﯿﮟ۔ 1908ﺀ ﻣﯿﮟ ﻋﻠﯽ ﮔﮍﮪ ﺳﮯ ﺍﯾﻞ ﺍﯾﻞ ﺑﯽ ﮐﺎ ﺍﻣﺘﺤﺎﻥ ﭘﺎﺱ ﮐﯿﺎ ﻟﯿﮑﻦ ﻭﮐﺎﻟﺖ ﮐﮯ ﭘﯿﺸﮯ ﺳﮯ ﺍﻧﮩﯿﮟ ﮐﻮﺋﯽ ﺩﻟﭽﺴﭙﯽ ﻧﮧ ﺗﮭﯽ۔ ﺻﺮﻑ ﻭﺍﻟﺪ ﮐﮯ ﻣﺠﺒﻮﺭ ﮐﺮﻧﮯ ﭘﺮ ﻭﮐﺎﻟﺖ ﺷﺮﻭﻉ ﮐﯽ ﺍﻭﺭ ﮐﭽھ ﻋﺮﺻﮧ ﺑﺮﯾﻠﯽ ﺍﻭﺭ ﻟﮑﮭﻨﻮ ﻣﯿﮟ ﭘﺮﯾﮑﭩﺲ ﮐﺮﺗﮯ ﺭﮨﮯ ﻟﯿﮑﻦ ﻗﺎﻧﻮﻥ ﺳﮯ ﻟﮕﺎﺅ ﻧﮧ ﮨﻮﻧﮯ ﮐﯽ ﻭﺟﮧ ﺳﮯ ﺑﺤﯿﺜﯿﺖ ﻭﮐﯿﻞ ﮐﺎﻣﯿﺎﺏ ﻭﮐﯿﻞ ﺛﺎﺑﺖ ﻧﮧ ﮨﻮﺋﮯ۔
ﻣﺠﻤﻮﻋﯽ ﻃﻮﺭ ﺳﮯ ﻓﺎﻧﯽ ﮐﯽ ﺯﻧﺪﮔﯽ ﭘﺮﯾﺸﺎﻧﯽ ﻣﯿﮟ ﮔﺰﺭﯼ مگرﺟﺲ ﻭﻗﺎﺭ ﺍﻭﺭ ﻓﺮﺍﺥ ﺩﻟﯽ ﮐﮯ ﺳﺎﺗھ ﺍﻧﮩﻮﮞ ﻧﮯ ﻣﺼﺎﺋﺐ ﮐﻮ ﺑﺮﺩﺍﺷﺖ ﮐﯿﺎ ﻭﮦ ﺍﻧﮩیں ﮐﺎ ﮐﺎﻡ ﺗﮭﺎ۔ ﺍﻥ ﮐﯽ ﺍﺱ ﭘﺮﯾﺸﺎﻥ ﺣﺎﻟﯽ ﺳﮯ ﻣﺘﺎﺛﺮ ﮨﻮ ﮐﺮ ﻣﮩﺎﺭﺍﺟﮧ ﺣﯿﺪﺭﺁﺑﺎﺩ ﻧﮯ ﺍﻧﮩﯿﮟ ﺍﭘﻨﮯ ﭘﺎﺱ ﺑﻼ ﻟﯿﺎ ﺍﻭﺭ ﺍﺳﭩﯿﭧ ﺳﮯ ﺗﻨﺨﻮﺍﮦ ﻣﻘﺮﺭ ﮐﺮ ﺩﯼ ﭘﮭﺮ ﻭﮦ ﻣﺤﮑﻤۂ ﺗﻌﻠﯿﻢ ﻣﯿﮟ ﻣﻼﺯﻡ ﮨﻮﺋﮯ ﺍﻭﺭ ﮨﯿﮉ ﻣﺎﺳﭩﺮ ﻣﻘﺮﺭ ﮨﻮﺋﮯ۔ ﺍﺳﯽ ﺍﺛﻨﺎﺀ ﻣﯿﮟ ﺭﻓﯿﻘۂ ﺣﯿﺎﺕ ﻓﻮﺕ ﮨﻮﮔﺌﯿﮟ۔ 1933 ﺀ ﻣﯿﮟ ﺟﻮﺍﮞ ﺳﺎﻝ ﺑﯿﭩﯽ ﮐﺎ ﺍﻧﺘﻘﺎﻝ ﮨﻮﮔﯿﺎ۔ ﺟﺲ ﺳﮯ ﻓﺎﻧﯽ ﮐﮯﺩﻝ ﮐﻮ ﭨﮭﯿﺲ ﻟﮕﯽ۔ ﺁﺧﺮ ﮐﺎﺭ ﺳﺎﺭﯼ ﺯﻧﺪﮔﯽ ﻧﺎﮐﺎﻣﯿﻮﮞ ﺍﻭﺭ ﻣﺎﯾﻮﺳﯿﻮﮞ ﻣﯿﮟ ﺑﺴﺮ ﮐﺮﮐﮯ 26/ اگست 1941ﺀ کو حیدرآباد ﻣﯿﮟ ﻭﻓﺎﺕ ﭘﺎﺋﯽ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فانی بدایونی کی شاعری:
ﻓﺎﻧﯽ ﻭﮦ ﺑﻼ ﮐﺶ ﮨﻮﮞ ﻏﻢ ﺑﮭﯽ ﻣﺠﮭﮯ ﺭﺍﺣﺖ ﮨﮯ
ﻣﯿﮟ ﻧﮯ ﻏﻢ ِ ﺭﺍﺣﺖ ﮐﯽ ﺻﻮﺭﺕ ﺑﮭﯽ ﻧﮧ ﭘﮩﭽﺎﻧﯽ
ﻓﺎﻧﯽ ﯾﺎﺳﯿﺖ ﮐﮯ ﺍﻣﺎﻡ ﻣﺎﻧﮯ ﺟﺎﺗﮯ ﮨﯿﮟ۔ ﺣﺰﻥ ﻭ ﯾﺎﺱ ﺍُﻥ ﮐﮯ ﮐﻼﻡ ﮐﺎ ﺟﺰﻭ ﺍﻋﻈﻢ ﮨﮯ۔ ﺳﻮﺯ ﻭ ﮔﺪﺍﺯ ﺟﻮ ﻏﺰﻝ ﮐﯽ ﺭﻭﺡ ﮨﮯ۔ ﺍﺱ ﮐﯽ ﺟﻠﻮﮦ ﻓﺮﻣﺎﺋﯽ ﯾﺎ ﺗﻮ ﻣﯿﺮ ﮐﮯ ﯾﮩﺎﮞ ﮨﮯ ﯾﺎ ﻓﺎﻧﯽ ﮐﮯ ﯾﮩﺎﮞ۔ ﻓﺮﻕ ﺻﺮﻑ ﯾﮧ ﮨﮯ ﮐﮧ ﻣﯿﺮﮐﮯ ﻏﻢ ﻣﯿﮟ ﺍﯾﮏ ﮔﮭﭩﻦ ﺳﯽ ﻣﺤﺴﻮﺱ ﮨﻮﺗﯽ ﮨﮯ ﺍﻭﺭ ﻓﺎﻧﯽ ﮐﺎ ﻏﻢ ﻟﺬﺕ ﺑﺨﺶ ﮨﮯ۔ ﻣﯿﺮ ﮐﮯ ﯾﮩﺎﮞ ﻧﺸﺎﻁ ِ ﻏﻢ ﮐﺎ ﻋﻨﺼﺮ ﻧﻤﺎﯾﺎﮞ ﮨﮯ۔ ﻓﺎﻧﯽ ﮐﻮ ﻣﺮﮔﮭﭧ ﮐﺎ ﺷﺎﻋﺮ ﯾﺎ ﻗﺒﺮﺳﺘﺎﻥ ﮐﺎ ﻣﺠﺎﻭﺭ ﮐﮩﻨﺎ ﺣﺪ ﺩﺭﺟﮧ ﻧﺎﺍﻧﺼﺎﻓﯽ ﮨﮯ۔ ﮨﺎﮞ ﻭﮦ ﻣﻮﺕ ﮐﺎ ﺷﺎﻋﺮ ﺿﺮﻭﺭ ﺗﮭﺎ ﻣﮕﺮ ﻣﻮﺕ ﮨﯽ ﺍُﺱ ﮐﮯ ﻧﺰﺩﯾﮏ ﺳﺮﭼﺸﻤۂ ﺣﯿﺎﺕ ﺑﻦ ﮔﺌﯽ ﺗﮭﯽ۔ ﻏﻢ ﻧﮯ ﻧﺸﺎﻁ ﮐﺎ ﺭﻭﭖ ﺍﺧﺘﯿﺎﺭ ﮐﺮ ﻟﯿﺎ ﺗﮭﺎ۔ ﻟﺬﺕِ ﻏﻢ ﺳﮯ ﺍُﺱ ﮐﺎ ﺳینہ ﻣﻌﻤﻮﺭ ﻧﻈﺮ ﺁﺗﺎ ﮨﮯ۔ ﯾﮧ ﺍُﺱ ﮐﮯ ﻓﻦ ﮐﺎ ﮐﻤﺎ ﻝ ﮨﮯ ﮐﮧ ﺍﻧﺴﺎﻥ ﻏﻢ ﺳﮯ ﻓﺮﺍﺭ ﻧﮩﯿﮟ ﭼﺎﮨﺘﺎ ﺑﻠﮑﮧ ﻏﻢ ﻣﯿﮟ ﺍﯾﮏ ﺍﺑﺪﯼ ﺳﮑﻮﻥ ﺍﻭﺭ ﺳﺮﻭﺭ ﭘﺎﺗﺎ ﮨﮯ۔ ﺯﻧﺪﮔﯽ ﮐﯽ ﻧﺎﻣﺮﺍﺩﯾﻮﮞ ﻣﯿﮟ ﻭﮦ ﺩﺭﺩ ﺍﻭﺭ ﻣﯿﺮ ﮐﮯ ﮨﻤﻨﻮﺍ ﮨﯿﮟ۔
ﻣﯿﺮ: ﮨﻢ ﻧﮯ ﻣﺮ ﻣﺮ ﮐﮯ ﺯﻧﺪﮔﺎﻧﯽ ﮐﯽ
ﺩﺭﺩ: ﮨﻢ ﺗﻮ ﺍﺱ ﺟﯿﻨﮯ ﮐﮯ ﮨﺎﺗﮭﻮﮞ ﻣﺮ ﭼﻠﮯ
ﻓﺎﻧﯽ: ﺯﻧﺪﮔﯽ ﻧﺎﻡ ﮨﮯ ﻣﺮﻣﺮ ﮐﮯ ﺟﯿﮯ ﺟﺎﻧﮯ ﮐﺎ
ﺑﻘﻮﻝ ﻣﺠﻨﻮﮞ ﮔﻮﺭﮐﮭﭙﻮﺭﯼ:
” ﻓﺎﻧﯽ ﮐﯽ ﺷﺎﻋﺮﯼ ﮐﻮ ” ﻣﻮﺕ “ ﮐﯽ ﺍﻧﺠﯿﻞ ﮐﮩﺎ ﺟﺎﺋﮯ ﺗﻮ ﺑﮯ ﺟﺎ ﻧﮧ ﮨﻮﮔﺎ۔ “ ﺑﻘﻮﻝ ﺧﻮﺍﺟﮧ ﺍﺣﻤﺪ ﻓﺎﺭﻭﻗﯽ،
” ﻏﻢ ﻋﺸﻖ ﺍﻭﺭ ﻏﻢ ﺭﻭﺯﮔﺎﺭ ﻧﮯ ﻣﻞ ﮐﺮ ﺩﻝ ﮐﻮ ﺁﺗﺶ ﮐﺪﮦ ﺑﻨﺎ ﺩﯾﺎ ﺗﮭﺎ۔ ﯾﮩﯽ ﺁﮒ ﮐﮯ ﺷﻌﻠﮯ ﺯﺑﺎﻥِ ﺷﻌﺮ ﺳﮯ ﻧﮑﻠﮯ ﮨﯿﮟ، ﺍُﻥ ﮐﯽ ﺷﺎﻋﺮ ﯼ ﮐﺎ ﻋﻨﺼﺮ ﻏﺎﻟﺐ ﻏﻢ ﻭ ﺍﻧﺪﻭﮦ ﮨﮯ ﻟﯿﮑﻦ ﯾﮧ ﻏﻢ ﺭﻭﺍﯾﺖ ﻧﮩﯿﮟ ﺻﺪﺍﻗﺖ ﮨﮯ۔ “
ﻓﺎﻧﯽ ﺑﺪﺍﯾﻮﻧﯽ ﻧﮯ 26/ ﺍﮔﺴﺖ 1941ﺀ ﮐﻮ ﺣﯿﺪﺭﺁﺑﺎﺩ ﻣﯿﮟ ﻭﻓﺎﺕ ﭘﺎﺋﯽ۔ ﺍﻧﺘﻘﺎﻝ ﮐﮯ ﻭﻗﺖ ﺍُﻥ ﮐﯽ ﻋﻤﺮ 62 ﺑﺮﺱ ﺗﮭﯽ۔ ﺍﮔﺮ ﺍُﻥ ﮐﯽ ﺷﺎﻋﺮ ﯼ ﭘﺮ ﻧﻈﺮ ﮈﺍﻟﯽ ﺟﺎﺋﮯ ﺗﻮ ﺍﯾﺴﺎ ﻣﻌﻠﻮﻡ ﮨﻮﺗﺎ ﮨﮯ ﮐﮧ ﺍُﻥ ﮐﯽ ﻣﻮﺕ ﺑﮩﺖ ﭘﮩﻠﮯ ﻭﺍﻗﻊ ﮨﻮ ﭼﮑﯽ ﺗﮭﯽ ﯾﺎ ﻭﺍﻗﻊ ﮨﻮﻧﺎ ﺷﺮﻭﻉ ﮨﻮ ﭼﮑﯽ ﺗﮭﯽ ﺍﻭﺭ ﯾﮧ ﺑﺎﺳﭩﮫ ﺳﺎﻝ ﺍﯾﮏ ﻣﺮﮒ ﻣﺴﻠﺴﻞ ﮐﯽ ﻃﺮﺡ ﮔﺰﺭﮮ ﮨﺮ ﻟﻤﺤﮯ ﺍﻧﮩﯿﮟ ﻣﻮﺕ ﮐﺎ ﺍﻧﺘﻈﺎﺭ ﺗﮭﺎ۔
ﻓﺎﻧﯽ ﮐﯽ ﺯﻧﺪﮔﯽ ﺑﮭﯽ ﮐﯿﺎ ﺯﻧﺪﮔﯽ ﺗﮭﯽ ﯾﺎ ﺭﺏ
ﻣﻮﺕ ﺍﻭﺭ ﺯﻧﺪﮔﯽ ﻣﯿﮟ ﮐﭽﮫ ﻓﺮﻕ ﭼﺎﮨﯿﮯ ﺗﮭﺎ
ﻓﺎﻧﯽ ﮐﺎ ﺍﺻﻞ ﻧﺎﻡ ﺷﻮﮐﺖ ﻋﻠﯽ ﺧﺎﻥ ﺗﮭﺎ۔ ﺷﻮﮐﺖ ﺗﺨﻠﺺ ﮨﻮ ﺳﮑﺘﺎ ﺗﮭﺎ۔ ﻟﯿﮑﻦ ﺍﻧﮩﻮﮞ ﻧﮯ ﻓﺎﻧﯽ ﺗﺨﻠﺺ ﺭﮐﮫ ﮐﺮ ﺍﺱ ﺧﻮﺍﮨﺶ ﮐﯽ ﺗﺴﮑﯿﻦ ﮐﺎ ﺳﺎﻣﺎﻥ ﮐﯿﺎ۔ ﺟﺐ ﮐﺒﮭﯽ ﮨﻢ ﮐﻮ ﺩﺍﻣﻦ ﺑﮩﺎﺭ ﺳﮯ ﻋﺎﻟﻢ ِﯾﺎﺱ ﻣﯿﮟ ﺑﻮﺋﮯ ﮐﻔﻦ ﺁﺗﯽ ﮨﮯ ﺗﻮ ﻓﺎﻧﯽ ﮐﯽ ﯾﺎﺩ ﺁﺗﯽ ﮨﮯ۔ ﮐﯿﻮﻧﮑﮧ ﺍﻧﮩﻮﮞ ﻧﮯ ﻣﻮﺕ ﮨﯽ ﮐﻮ ” ﺯﻧﺪﮔﯽ ﺟﺎﻧﺎ ﺗﮭﺎ ﺍﻭﺭ ﻏﻢ ﮐﻮ ﻣﻮﺿﻮﻉ ﺑﻨﺎﯾﺎ۔ﺑﻘﻮﻝ ﺁﻣﺪﯼ،
ﻓﺎﻧﯽ ﺍﯾﮏ ﺯﻧﺪﮦ ﺟﻨﺎﺯﮦ ﮨﯿﮟ ﺟﻦ ﮐﻮ ﯾﺎﺱ ﻭ ﺍﻟﻢ ﺍﭘﻨﮯ ﻣﺎﺗﻤﯽ ﮐﻨﺪﮬﻮﮞ ﭘﺮ ﺍُﭨﮭﺎﺋﮯ ﮨﻮﺋﮯ ﮨﯿﮟ۔ “
ﮈﺍﮐﭩﺮ ﺳﻼ ﻡ ﺳﻨﺪﯾﻠﻮﯼ ” ﺍﭘﻨﯽ ﮐﺘﺎﺏ ” ﻣﺰﺍﺝ ﺍﻭﺭ ﻣﺎﺣﻮﻝ ‘ ‘ ﻣﯿﮟ ﻓﺎﻧﯽ ﮐﯽ ﻏﻢ ﻭ ﯾﺎﺳﯿﺖ ﮐﮯ ﻣﺘﻌﻠﻖ ﻟﮑﮭﺘﮯ ﮨﯿﮟ،
” ﻓﺎﻧﯽ ﺯﻧﺪﮔﯽ ﺑﮭﺮ ﮔﻠﺸﻦ ﮨﺴﺘﯽ ﮐﻮ ﻣﻐﻤﻮﻡ ﻧﮕﺎﮨﻮﮞ ﺳﮯ ﺩﯾﮑﮭﺘﮯ ﺭﮨﮯ ﺍﻭ ﺭﻧﺴﺘﺮﻥ ﮐﻮ ﮐﺎﻓﻮﺭ ﻭ ﮐﻔﻦ ﺳﻤﺠﮭﺘﮯ ﺭﮨﮯ۔ ﺍُﻥ ﮐﯽ ﺷﺎﻋﺮﯼ ﮐﯽ ﺗﺨﻠﯿﻖ ﺍﺷﮏ ﺷﺒﻨﻢ ﺍﻭﺭ ﺧﻮﻥ ِﺣﻨﺎ ﺳﮯ ﮨﻮﺋﯽ ﮨﮯ۔ ﻭﮦ ﺯﻧﺪﮔﯽ ﺑﮭﺮ ﺁﮨﯿﮟ ﺑﮭﺮ ﺗﮯ ﺭﮨﮯ۔ ﺍﻭﺭ ﻣﺮﺗﮯ ﺩﻡ ﺗﮏ ﺳﺴﮑﯿﺎﮞ ﻟﯿﺘﮯ ﺭﮨﮯ۔ ﻓﺎﻧﯽ ﮐﻮ ﻣﺤﺾ ﻏﻢ ﻭ ﯾﺎﺱ ﮐﯽ ﺑﺪﻭﻟﺖ ﺭﻓﻌﺖ ﻭ ﻋﻈﻤﺖ ﺣﺎﺻﻞ ﮨﻮﺋﯽ ﮨﮯ ﺍﺳﯽ ﻭﺟﮧ ﺳﮯ ﺍُﻥ ﮐﻮ ﯾﺎﺳﯿﺖ ﮐﺎ ﺍﻣﺎﻡ ﮐﮩﺎﺟﺎﺗﺎﮨﮯ۔ “
ﭼﻤﻦ ﺳﮯ ﺭﺧﺼﺖ ﻓﺎﻧﯽ ﻗﺮﯾﺐ ﮨﮯ ﺷﺎﺋﺪ
ﮐﭽﮫ ﺁﺝ ﺑﻮﺋﮯ ﮐﻔﻦ ﺩﺍﻣﻦ ِ ﺑﮩﺎﺭ ﻣﯿﮟ ﮨﮯ
ﻓﺎﻧﯽ ﻏﻢ ﮨﯽ ﮐﻮ ﺯﻧﺪﮔﯽ ﺗﺼﻮﺭ ﮐﺮﺗﮯ ﺗﮭﮯ۔ ﺍﻭﺭ ﻓﺎﻧﯽ ﺍﺱ ﻃﺮﺡ ﺯﻧﺪﮔﯽ ﮔﺰﺍﺭﻧﮯ ﭘﺮ ﻣﺠﺒﻮ ﺭﺗﮭﮯ۔ ﺟﻮ ﺍُﻥ ﮐﯽ ﺗﻤﻨﺎﺋﻮﮞ ﺳﮯ ﮨﻢ ﺁﮨﻨﮓ ﻧﮧ ﺗﮭﯽ ﺍﻥ ﮐﯽ ﺷﺨﺼﯿﺖ ﭼﯿﺨﺘﯽ ﺗﮭﯽ ، ﺩﻣﺎﻍ ﺍﺣﺘﺠﺎﺝ ﮐﺮﺗﺎ ﺗﮭﺎ۔ ﺩﻝ ﺑﻐﺎﻭﺕ ﮐﺮﺗﺎ ﺗﮭﺎ۔ ﮨﮉﯾﺎﮞ ﭼﭩﺨﺘﯽ ﺗﮭﯽ ﻟﯿﮑﻦ ﺯﻣﺎﻧﮯ ﮐﯽ ﮔﺮﻓﺖ ﮈﮬﯿﻠﯽ ﻧﮧ ﮨﻮﺗﯽ ﺗﮭﯽ۔ ﮐﻮﻥ ﺟﺎﻧﺘﺎ ﮨﮯ ﮐﮧ ﻓﺎﻧﯽ ﮐﻮ ﺍﭘﻨﯽ ﺣﺎﻻﺕ ﻧﮯ ﺟﺒﺮ ﮐﺎ ﻗﺎﺋﻞ ﺑﻨﺎ ﺩﯾﺎ ﮨﮯ۔ ﺍﺳﺰﻧﺪﮔﯽ ﺳﮯ ﺻﺮﻑ ﻣﻮﺕ ﮨﯽ ﻧﺠﺎﺕ ﺩﻻ ﺳﮑﺘﯽ ﺗﮭﯽ۔
ﮨﺮ ﻧﻔﺲ ﻋﻤﺮ ﮔﺰﺷﺘﮧ ﮐﯽ ﮨﮯ ﻣﯿﺖ ﻓﺎﻧﯽ
ﺯﻧﺪﮔﯽ ﻧﺎﻡ ﮨﮯ ﻣﺮﻣﺮ ﮐﮯ ﺟﯿﮯ ﺟﺎﻧﮯ ﮐﺎ
ﺁﺝ ﺭﻭﺯ ﻭﺻﺎﻝ ِ ﻓﺎﻧﯽ ﮨﮯ
ﻣﻮﺕ ﺳﮯ ﮨﻮ ﺭﮨﮯ ﮨﯿﮟ ﺭﺍﺯ ﻭ ﻧﯿﺎﺯ
ﺟﺐ ﺩﯾﮑﮭﯿﮯ ﺟﯽ ﺭﮨﺎ ﮨﮯ ﻓﺎﻧﯽ
ﺍﻟﻠﮧ ﺭﮮ ﺍﺱ ﮐﯽ ﺳﺨﺖ ﺟﺎﻧﯽ
ﺍﻭﺭ ﺍﺱ کے سینکڑوں ﺍﺷﻌﺎﺭ ﺯﻧﺪﮔﯽ ﮐﻮ ﻣﻮﺕ ﻣﯿﮟ ﺗﺒﺪﯾﻞ ﮐﺮ ﻟﯿﻨﺎ ﺯﻧﺪﮔﯽ ﮐﻮ ﻣﻮﺕ ﺳﻤﺠﮭﻨﺎ ، ﻣﺮﻧﮯ ﺳﮯ ﭘﮩﻠﮯ ﻣﺮ ﺟﺎﻧﺎ ۔ ﯾﮧ ﺳﺐ ﺍُﺱ ﺧﻮﺍﮨﺶ ﻣﺮﮒ ﮐﮯ ﭘﮩﻠﻮ ﮨﯿﮟ ﺍﺱ ﻭﺟﮧ ﺳﮯ ﻓﺎﻧﯽ ﮐﺎ ﻏﻢ ﮔﮩﺮﺍ ﺍﻭﺭ ﻓﻠﺴﻔﯿﺎﻧﮧ ﮨﮯ۔
ﻣﻮﺕ ، ﮐﻔﻦ ، ﻗﺒﺮ ﺍﻭﺭ ﻣﯿﺖ : ۔
ﻓﺎﻧﯽ ﮐﯽ ﺷﺎﻋﺮ ﯼ ﺟﺲ ﭼﯿﺰ ﮐﮯ ﺑﺎﺭﮮ ﻣﯿﮟ ﻣﺸﮩﻮﺭ ﮨﮯ ﺍﻭﺭ ﺟﻮﺍﻥ ﮐﯽ ﭘﮩﭽﺎﻥ ﺑﻦ ﮔﺌﯽ ﮨﮯ۔ ﻭ ﮦ ﻓﺎﻧﯽ ﮐﯽ ﺷﺎﻋﺮﯼ ﻣﯿﮟ ﻣﻮﺕ ، ﮐﻔﻦ ، ﻗﺒﺮ ﺍﻭﺭ ﻣﯿﺖ ﮐﺎﺍﺳﺘﻌﻤﺎﻝ ﮨﮯ۔ ﻓﺎﻧﯽ ﺍﻥ ﮈﺭﺍﺋﻮﻧﯽ ﭼﯿﺰﻭﮞ ﮐﻮ ﺑﮩﺖ ﺑﮯ ﺟﮕﺮﯼ ﮐﮯ ﺳﺎﺗﮫ ﺩﻝ ﻣﯿﮟ ﻟﭙﯿﭧ ﻟﯿﺘﮯ ﮨﯿﮟ۔ ﺍﻭﺭ ﻣﻮﺕ ، ﮐﻔﻦ ، ﻗﺒﺮ ﺍﻭﺭ ﻣﯿﺖ ﮐﻮ ﺍﯾﮏ ﺧﻮﺑﺼﻮﺭﺕ ﭼﯿﺰ ﺑﻨﺎ ﺩﯾﺘﮯ ﮨﯿﮟ ﻭﮦ ﺍﺱ ﻣﯿﮟ ﭘﻨﺎﮦ ﮈﮬﻮﻧﮉﺗﮯ ﮨﯿﮟ ﺍﻭﺭ ﺍﻥ ﮐﮯ ﺩﺭﻣﯿﺎ ﻥ ﺳﮑﻮﻥ ﻭ ﺍﻃﻤﯿﻨﺎﻥ ﺗﺼﻮﺭ ﮐﺮﺗﮯ ﮨﯿﮟ۔ ﺑﻘﻮﻝ ﺩﺭﺩ ﮔﻮﺭﮐﮭﭙﻮﺭﯼ : ” ﻓﺎﻧﯽ ﻣﻮﺕ ﺍﻭﺭ ﺣﯿﺎﺕ ﮐﮯ ﺩﺭﻣﯿﺎﻥ ﮨﻤﯿﺸﮧ ﭨﮭﻮﮐﺮ ﯾﮟ ﮐﮭﺎﺗﮯ ﺭﮨﮯ ﻣﻮﺕ ﻧﮯ ﺟﺐ ﺁﻧﮑﮭﯿﮟ ﺩﮐﮭﺎﺋﯿﮟ ﺗﻮ ﺣﯿﺎ ﺕ ﮐﯽ ﻃﺮﻑ ﭘﻠﭩﮯ ﺍﻭﺭ ﺟﺐ ﺣﯿﺎﺕ ﻧﮯ ﭘﺮﯾﺸﺎﻥ ﮐﯿﺎ ﺗﻮ ﻣﻮﺕ ﮐﻮ ﺁﻭﺍﺯ ﺩﯼ۔ “
ﭼﻠﮯ ﺑﮭﯽ ﺁﺅ ﻭﮦ ﮨﮯ ﻗﺒﺮ ِ ﻓﺎﻧﯽ ﺩﯾﮑﮭﺘﮯ ﺟﺎﺅ
ﺗﻢ ﺍﭘﻨﮯ ﻣﺮﻧﮯ ﻭﺍﻟﮯ ﮐﯽ ﻧﺸﺎﻧﯽ ﺩﯾﮑﮭﺘﮯ ﺟﺎﺅ
ﺳﻨﮯ ﺟﺎﺗﮯ ﻧﮧ ﺗﮭﮯ ﺗﻢ ﺳﮯ ﻣﺮﮮ ﺩﻥ ﺭﺍﺕ ﮐﮯ ﺷﮑﻮﮮ
ﮐﻔﻦ ﺳﺮﮐﺎﺋﻮ ﻣﯿﺮﯼ ﺑﮯ ﺯﺑﺎﻧﯽ ﺩﯾﮑﮭﺘﮯ ﺟﺎﺅ
ﺩﯾﮑﮫ ﻓﺎﻧﯽ ﻭﮦ ﺗﺮﯼ ﺗﺪﺑﯿﺮ ﮐﯽ ﻣﯿﺖ ﻧﮧ ﮨﻮ
ﺍﮎ ﺟﻨﺎﺯﮦ ﺟﺎ ﺭﮨﺎ ﮨﮯ ﺩﻭﺵ ﭘﺮ ﺗﻘﺪﯾﺮ ﮐﮯ
ﺷﺐ ﻓﺮﻗﺖ ﮐﭩﯽ ﯾﺎ ﻋﻤﺮ ﻓﺎﻧﯽ
ﺍﺟﻞ ﮐﮯ ﺳﺎﺗﮫ ﺁﻣﺪ ﮨﮯ ﺳﺤﺮ ﮐﯽ
ﻓﺎﻧﯽ ﮐﺎ ﻏﻢ : ۔
ﻓﺎﻧﯽ ﮐﯽ ﺣﯿﺎﺕ ﮐﺎ ﻣﻄﺎﻟﻌﮧ ﺍﺱ ﺍﻣﺮ ﮐﻮ ﺛﺎﺑﺖ ﮐﺮﺗﺎ ﮨﮯ، ﮐﮧ ﺍﻧﮩﻮﮞ ﻧﮯ ﺳﺎﺭﯼ ﻋﻤﺮ ﻣﺼﯿﺒﺖ ﻣﯿﮟ ﮔﺰﺍﺭﯼ۔ ﻓﺎﻧﯽ ﻧﮯ ﺩﻝ ﺳﮯ ﺟﻦ ﻟﻮﮔﻮﮞ ﮐﻮ ﻋﺰﯾﺰ ﺟﺎﻧﺎ ﺗﮭﺎ۔ ﻭﮦ ﻟﻮﮒ ﺍُﻥ ﮐﯽ ﺁﻧﮑﮭﻮﮞ ﮐﮯ ﺳﺎﻣﻨﮯ ﻣﺮﺗﮯ ﭼﻠﮯ ﮔﺌﮯ۔ ﺍﺱ ﮐﮯ ﺑﻌﺪ ﺩ ﻭ ﺳﺎﻝ ﮐﮯ ﺍﻧﺪﺭ ﺍﻧﺪﺭ ﻭﺍﻟﺪ ﺍﻭﺭ ﻭﺍﻟﺪﮦ ﮐﺎ ﺍﻧﺘﻘﺎﻝ ، ﺩﻭﺳﺘﻮﮞ ﻣﯿﮟ ﮐﺸﻦ ﭘﺮﺷﺎﺩ ﺍﻭﺭ ﺍﻥ ﮐﯽ ﺑﯿﭩﯽ ﺍﻭﺭ ﺍﺧﺮ ﻣﯿﮟ ﺍﻥ ﮐﯽ ﺑﯿﻮﯼ ﮐﺎ ﺍﻧﺘﻘﺎﻝ ﺍُﻥ ﭘﺮ ﮐﺎﻓﯽ ﺍﺛﺮ ﺍﻧﺪﺍﺯ ﮨﻮ۔ ﺟﻮ ﺍﻧﺴﺎﻥ ﺍﺗﻨﮯ ﺳﺎﺭﮮ ﺟﻨﺎﺯﻭﮞ ﮐﻮ ﺩﯾﮑﮫ ﺭﮨﺎ ﮨﻮ۔ ﺍُﻥ ﮐﮯ ﻏﻢ ﮐﺎ ﺍﻧﺪﺍﺯﺍ ﻟﮕﺎﻧﺎ ﻣﺸﮑﻞ ﮨﮯ ﺍﯾﮏ ﺧﻂ ﻣﯿﮟ ﻟﮑﮭﺘﮯ ﮨﯿﮟ،
” ﺍﺱ ﺩﻭﺭ ﻣﯿﮟ ﺍﺗﻨﮯ ﺟﻨﺎﺯﮮ ﺍُﭨﮭﺎﺋﮯ ﻟﮕﺘﺎ ﮨﮯ ﮐﮧ ﺟﺐ ﻣﯿﮟ ﻣﺮﺟﺎﺋﻮﮞ ﺗﻮ ﺍُﭨﮭﺎﻧﮯ ﻭﺍﻻ ﮐﻮﺋﯽ ﻧﮩﯿﮟ ﮨﻮﮔﺎ۔ “
ﻓﺎﻧﯽ ﻧﮯ ﺟﺲ ﺩﻭﺭ ﻣﯿﮟ ﺁﻧﮑﮫ ﮐﮭﻮﻟﯽ ﻭﮦ ﻓﺴﺎﺩﺍﺕ ﮐﺎ ﺩﻭﺭ ﺗﮭﺎ۔ ﺟﻨﮕﯿﮟ ﺗﮭﯿﮟ ﺗﻮ ﺍﺱ ﺩﻭﺭ ﻣﯿﮟ ﺍﯾﮏ ﻣﺰﺍﺝ ﺗﮭﺎ۔ ﺟﺲ ﻧﮯ ﺍﻥ ﮐﻮ ﻏﻢ ﺑﺮﺗﻨﮯ ﭘﺮ ﻣﺠﺒﻮﺭ ﮐﺮ ﺩﯾﺎ۔ ﺗﻮ ﺍُﻥ ﮐﯽ ﺣﺴﯿﺎﺕ ﻣﺘﺎﺛﺮ ﮨﻮﺋﮯ ﺑﻐﯿﺮ ﻧﮩﯿﮟ ﺭﮦ ﺳﮑﺘﯽ ﺍﻭﺭ ﭘﮭﺮ ﺳﺐ ﺳﮯ ﺑﮍﮪ ﮐﺮ ﺍُﻥ ﮐﺎ ﺍﭘﻨﺎ ﻣﺰﺍﺝ ﺗﮭﺎ۔ ﺟﺲ ﻧﮯ ﺍ ﻥ ﮐﮯ ﻏﻢ ﺑﺮﺗﻨﮯ ﭘﺮ ﻣﺠﺒﻮﺭ ﮐﺮﺩﮮﺍ۔ ﺍﻧﮩﯽ ﺣﺎﻻﺕ ﻭ ﻭﺍﻗﻌﺎﺕ ﻧﮯ ﻏﻢ ﮐﺎ ﺑﺮﺗﻨﮯ ﭘﺮ ﻣﺠﺒﻮﺭﮐﺮ ﺩﯾﺎ ۔ ﺍﻧﮩﯽ ﺣﺎﻻﺕ ﻭ ﻭﺍﻗﻌﺎﺕ ﻧﮯ ﻏﻢ ﮐﺎ ﺍﯾﮏ ﻣﮑﻤﻞ ﻓﻠﺴﻔﮧ ﭘﯿﺶ ﮐﯿﺎ۔
ﻏﺎﻟﺐ ﮐﮯ ﮨﺎﮞ ﻏﻢ ﺍﻭﺭ ﺯﻧﺪﮔﯽ ﻻﺯﻡ ﻭ ﻣﻠﺰﻭﻡ ﮨﯿﮟ ﻣﯿﺮ ﮐﮯ ﮨﺎﮞ ﻏﻢ ﮨﯽ ﻏﻢ ﺗﮭﺎ ﻟﯿﮑﻦ ﻓﺎﻧﯽ ﮐﮯ ﮨﺎﮞ ﻏﻢ ﮐﮯ ﻋﻨﺎﺻﺮ ﺍﺗﻨﮯ ﺑﮍﮪ ﮔﺌﮯ ﮐﮧ ﻟﮕﺘﺎ ﮨﮯ ﮐﮧ ﻓﺎﻧﯽ ﻏﻢ ﮐﻮ ﺯﻧﺪﮔﯽ ﻗﺮﺍﺭ ﺩﮮ ﺭﮨﮯ ﮨﯿﮟ۔
ﻣﯿﮟ ﻏﻢ ﻧﺼﯿﺐ ﻭﮦ ﻣﺠﺒﻮﺭ ِ ﺷﻮﻕ ﮨﻮﮞ ﻓﺎﻧﯽ
ﺟﻮ ﻧﺎﻣﺮﺍﺩ ﺟﯿﮯ ﺍﻭﺭ ﺍﻣﮯﺩﻭﺍﺭ ﺭﮨﮯ
ﻣﺨﺘﺼﺮ ﻗﺼﮧ ﻏﻢ ﯾﮧ ﮨﮯ ﮐﮧ ﺩﻝ ﺭﮐﮭﺘﺎ ﮨﻮﮞ
ﺭﺍﺯ ﮐﻮﻧﯿﻦ ﺧﻼﺻﮧ ﮨﮯ ﺍﺱ ﺍﻓﺴﺎﻧﮯ ﮐﺎ
ﺯﯾﺴﺖ ﮐﺎ ﺣﺎﺻﻞ ﺑﻨﺎﯾﺎ ﺩﻝ ﺟﻮ ﮔﻮﯾﺎ ﮐﭽﮫ ﻧﮧ ﺗﮭﺎ
ﻏﻢ ﻧﮯ ﺩﻝ ﮐﻮ ﺩﻝ ﺑﻨﺎ ﯾﺎ ﻭﺭﻧﮧ ﮐﯿﺎﺗﮭﺎ ﮐﭽﮫ ﻧﮧ ﺗﮭﺎ
ﻏﻢ ﺟﺎﻧﺎﮞ : ۔
ﺍﺱ ﻣﯿﮟ ﻭﮨﯽ ﭘﺮﺍﻧﮯ ﻋﻨﺎﺻﺮ ﮨﯿﮟ ﺟﺲ ﻣﯿﮟ ﻣﺤﺒﻮﺏ ﻇﺎﻟﻢ ﮨﮯ ﺟﺲ ﻣﯿﮟ ﻣﺤﺒﻮﺏ ﻋﺎﺷﻖ ﮐﮯ ﺣﺎﻟﺖ ﺯﺍﺭ ﭘﺮ ﺗﺮﺱ ﻧﮩﯿﮟ ﮐﮭﺎﺗﺎ۔ ﭼﻮﻧﮑﮧ ﻓﺎﻧﯽ ﻧﮯ ﺧﻮﺩ ﭘﮯ ﺩﺭﭘﮯ ﻋﺸﻖ ﺑﺎﺯﯾﺎﮞ ﮐﯿﮟ ﺍﻭﺭ ﺍُﻥ ﮐﯽ ﺯﻧﺪﮔﯽ ﻣﯿﮟ ﮔﻮﮨﺮ ﺟﺎﻧﯿﮟ ﺍﻭ ﺭ ﻧﻮﺭ ﺟﺎﻧﯿﮟ ﺁﺋﯿﮟ۔ﺷﺎﺋﺪ ﺍُﻥ ﮐﮯ ﻏﻢ ﺟﺎﻧﺎﮞ ﮐﻮ ﺗﺎﺑﺎﻧﯽ ﺑﺨﺸﻨﮯ ﻣﯿﮟ ﺍُﻥ ﻃﻮﺍﺋﻔﻮﮞ ﮐﺎ ﮨﺎﺗﮫ ﺗﮭﺎ ﺟﻦ ﮐﮯ ﺳﺎﺗﮫ ﻓﺎﻧﯽ ﻧﮯ ﺍﭘﻨﮯ ﻏﻢ ﮐﯽ ﮐﭽﮫ ﮔﮭﮍﯾﺎﮞ ﺳﺮﻭﺭ ﻭ ﺭﺍﺣﺖ ﻣﯿﮟ ﺗﺒﺪﯾﻞ ﮐﯿﮟ ﺗﮭﯿﮟ ﺍﻭﺭ ﺑﻌﺪ ﻣﯿﮟ ﺑﭽﮭﮍﻧﺎ ﻏﻢ ﺑﺮﺗﻨﮯ ﮐﺎ ﺳﺒﺐ ﺑﻨﯽ ﻭﮦ ﻣﺤﺒﻮﺏ ﮐﻮ ﻇﺎﻟﻢ ﺩﮐﮭﺎﺗﺎ ﮨﮯ۔
ﺳﻨﮯ ﺟﺎﺗﮯ ﻧﮧ ﺗﮭﮯ ﺗﻢ ﺳﮯ ﻣﯿﺮﮮ ﺩﻥ ﺭﺍﺕ ﮐﮯ ﺷﮑﻮﮮ
ﮐﻔﻦ ﺳﺮﮐﺎﺋﻮ ﻣﯿﺮﯼ ﺑﮯ ﺯﺑﺎﻧﯽ ﺩﯾﮑﮭﺘﮯ ﺟﺎﺅ
ﺗﻢ ﻧﮯ ﺩﯾﮑﮭﺎ ﮨﮯ ﮐﺒﮭﯽ ﮔﮭﺮ ﮐﻮ ﺑﺪﻟﺘﮯ ﮨﻮﺋﮯ ﺭﻧﮓ
ﺁﺅ ﺩﯾﮑﮭﻮ ﻧﺎ ﮞ ﺗﻤﺎﺷﺎ ﻣﯿﺮ ﮮ ﻏﻢ ﺧﺎﻧﮯ ﮐﺎ
ﻏﻢ ﺩﻭﺭﺍﮞ : ۔
ﻓﺎﻧﯽ ﮐﮯ ﯾﮩﺎﮞ ﻏﻢ ﮐﯽ ﺟﻮ ﺩﻭﺳﺮﯼ ﮐﯿﻔﯿﺖ ﻣﻠﺘﯽ ﮨﮯ ﻭﮦ ﻏﻢ ﺩﻭﺭﺍﮞ ﮨﯿﮟ ﯾﮧ ﻭﮦ ﻏﻢ ﮨﮯ ﺟﻮ ﺁﻻﻡ ﺭﻭﺯﮔﺎﺭ ﮐﯽ ﺩﯾﻦ ﮨﮯ ﯾﮧ ﺣﻘﯿﻘﺖ ﮨﮯ ﮐﮧ ﻣﻌﺎﺷﺮﮮ ﮐﮯ ﺣﺎﻻﺕ ﻧﮯ ﺍُﻥ ﮐﯽ ﻃﺒﯿﻌﺖ ﮐﻮ ﻣﺘﺎﺛﺮ ﮐﯿﺎ۔ ﻟﯿﮑﻦ ﻭﮦ ﺍﺱ ﮐﻮ ﺯﯾﺎﺩﮦ ﻧﮧ ﭘﮭﯿﻼ ﺳﮑﮯ۔ ﮐﯿﻮﻧﮑﮧ ﺍُﻥ ﮐﺎ ﻏﻢ ﻧﻘﻄﮧ ﻧﻈﺮ ﺍﻭﺭ ﺗﮭﺎ۔ ﮐﮧ ﻭﮦ ﺗﺮﻗﯽ ﭘﺴﻨﺪ ﻧﮧ ﺗﮭﮯ ﺍﻭﺭ ﺍﻥ ﭼﯿﺰﻭﮞ ﺳﮯ ﺍُﻥ ﮐﻮ ﮐﻮﺋﯽ ﻟﮕﺎﺋﻮ ﻧﮧ ﺗﮭﺎ ۔ ﻓﺎﻧﯽ ﮐﺎ ﻏﻢ ﺩﻭﺭﺍﮞ ﺩﻭﺳﺮﯼ ﮐﯿﻔﯿﺖ ﺳﮯ ﺗﻌﻠﻖ ﺭﮐﮭﺘﺎ ﮨﮯ ﮐﮧ ﺟﮩﺎﮞ ﺍُﺱ ﭘﺮﺍﺛﺮ ﭘﮍﺍ ﺍﻧﮩﻮﮞ ﻧﮯ ﺍﺣﺘﺠﺎﺝ ﮐﯿﺎ۔
ﮨﺮ ﺷﺎﻡ ﺷﺎ ﻡ ﮔﻮﺭ ﮨﮯ ﮨﺮ ﺻﺒﺢ ﺻﺒﺢ ﺣﺸﺮ
ﮐﯿﺎ ﺩﻥ ﺩﮐﮭﺎﺋﮯ ﮔﺮﺩﺵ ﻟﯿﻞ ﻭ ﻧﮩﺎﺭ ﻧﮯ
ﮨﺮ ﮔﮭﮍﯼ ﺍﻧﻘﻼﺏ ﻣﯿﮟ ﮔﺰﺭﯼ
ﺯﻧﺪﮔﯽ ﮐﺲ ﻋﺬﺍﺏ ﻣﯿﮟ ﮔﺰﺭﯼ
ﺯﻧﺪﮔﯽ ﮐﺲ ﻋﺬﺍﺏ ﻣﯿﮟ ﮔﺰﺭﯼ، ﻣﯿﮟ ﻭﮦ ﺟﺲ ﻋﺬﺍﺏ ﮐﯽ ﻃﺮﻑ ﺍﺷﺎﺭﮦ ﮐﺮ ﺭﮨﮯ ﮨﯿﮟ ﻭﮦ ﻣﻌﺎﺷﺮﮮ ﮐﯽ ﻣﺎﺩﯼ ﺗﺮﻗﯽ ﮨﮯ ﺍﻭﺭ ﺗﯿﺰ ﺭﻓﺘﺎﺭﯼ ﮨﮯ۔ ﺟﺲ ﮐﺎ ﺑﺤﯿﺜﯿﺖ ﺷﺎﻋﺮ ﻓﺎﻧﯽ ﺳﺎﺗﮫ ﻧﮩﯿﮟ ﺩﮮ ﺳﮑﺘﺎ ﺍﻭﺭ ﻣﺎﺩﯼ ﺗﺮﻗﯽ ﺷﺎﻋﺮ ﮐﻮ ﭘﯿﭽﮭﮯ ﺩﮬﮑﮯﻝ ﺩﯾﺘﺎ ﮨﮯ ﭘﮭﺮ ﺍُﺱ ﺩﻭﺭ ﮐﺎ ﺟﻮ ﺑﮍﺍ ﻣﺴﺌﻠﮧ ﺗﮭﺎ ﺟﺲ ﺳﮯ ﻓﺮﺩ ﻣﺘﺎﺛﺮ ﮨﻮ ﺭﮨﺎ ﺗﮭﺎ۔ ﻭﮦ ﻭﮦ ﻣﺤﺒﺖ ﺍﻭﺭ ﺍﻗﺪﺍ ﺭ ﮐﺎ ﺗﯿﺰﯼ ﺳﮯ ﻓﻘﺪﺍﻥ ﺗﮭﺎ۔ ﭘﮩﻠﮯ ﻣﺤﺒﺖ ﮐﯽ ﻗﺪﺭﺩﺍﻧﯽ ﺗﮭﯽ ﭘﮩﻠﮯ ﺑﮯ ﻭﻓﺎﺋﯽ ﮐﺎ ﺗﻌﻠﻖ ﺷﺮﺍﻓﺖ ﺳﮯ ﺗﮭﺎ ﺁﺝ ﮐﻞ ﻣﺎﺩﯼ ﺗﺮﻗﯽ ﻣﯿﮟ ﺑﮯ ﻭﻓﺎﺋﯽ ﮐﺎ ﻣﺴﺌﻠﮧ ﻣﺎﺩﯼ ﺗﺮﻗﯽ ﮨﮯ ﮐﮧ ﺍﻧﺴﺎﻥ ﺑﺪﻝ ﺭﮨﺎ ﮨﮯ۔ ﺷﺎﻋﺮ ﮐﻮ ﺩﮐﮫ ﺍﺱ ﺑﺎﺕ ﮐﺎ ﮨﮯ ﮐﮧ ﻣﺤﺒﺘﯿﮟ ﻣﭧ ﺭﮨﯽ ﮨﯿﮟ۔
ﺩﯾﺎﺭ ﻣﮩﺮ ﻣﯿﮟ ﺁﭖ ﮐﮩﺘﮯ ﻣﮩﺮ ﮨﮯ ﻓﺎﻧﯽ
ﮐﻮﺋﯽ ﺍﺟﻞ ﮐﮯ ﺳﻮﺍ ﻣﮩﺮﺑﺎﮞ ﻧﮩﯿﮟ ﻣﻠﺘﺎ
ﻭﻃﻦ ﮐﺎ ﻏﻢ : ۔
ﺑﻌﺾ ﻟﻮﮔﻮﮞ ﮐﯽ ﻃﺒﯿﻌﺖ ﯾﮧ ﺑﺎﺕ ﮔﻮﺍﺭﺍ ﻧﮩﯿﮟ ﮐﺮﺗﯽ ﮐﮧ ﺍُﻥ ﮐﻮ ﺍﭘﻨﮯ ﻭﻃﻦ ﺳﮯ ﺩﻭﺭ ﺭﮐﮭﺎ ﺟﺎﺋﮯ ۔ ﻓﺎﻧﯽ ﮐﺎ ﯾﮧ ﻏﻢ ﺑﮭﯽ ﺑﮩﺖ ﺷﺪﯾﺪ ﮨﮯ ﻓﺎﻧﯽ ﮐﻮ ﻭﻃﻦ ﭼﮭﻮﮌﻧﮯ ﮐﺎ ﺳﺨﺖ ﻏﻢ ﺗﮭﺎ۔ ﻭﮦ ﺁﺧﺮﯼ ﺍﯾﺎﻡ ﻣﯿﮟ ﺑﺪﺍﯾﻮﻥ ﮐﻮ ﺑﮩﺖ ﯾﺎﺩ ﮐﺮﺗﮯ ﺗﮭﮯ۔ ﺍﻧﮩﻮﮞ ﻧﮯ ﺣﯿﺪﺭ ﺁﺑﺎﺩ ﻣﯿﮟ ﺍﭘﻨﮯ ﺍﯾﮏ ﺷﺎﮔﺮﺩ ﻣﺎﮨﺮ ﺳﮯ ﮐﮩﺎ، ” ﻣﺎﮨﺮ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﮐﺴﯽ ﻃﺮﺡ ﺑﺪﺍﯾﻮﻥ ﭘﮩﻨﭻ ﺟﺎﺋﻮﮞ ﺍﻭﺭ ﻭﮨﯿﮟ ﺟﺎ ﮐﺮ ﻣﺮ ﺟﺎﺋﻮﮞ۔ “
ﻓﺎﻧﯽ ﮨﻢ ﺗﻮ ﺟﯿﺘﮯ ﺟﯽ ﻭ ﮦ ﻣﯿﺖ ﮨﯿﮟ ﺑﮯ ﮔﻮﺭ ﻭ ﮐﻔﻦ
ﻏﺮﺑﺖ ﺟﺲ ﮐﻮ ﺭﺍﺱ ﻧﮧ ﺁﺋﯽ ﺍﻭﺭ ﻭﻃﻦ ﺑﮭﯽ ﭼﮭﻮﭦ ﮔﯿﺎ
ﻭﮦ ﻭﻃﻦ ﻭﺍﭘﺲ ﺁﻧﺎ ﭼﺎﮨﺘﮯ ﺗﮭﮯ ﺍﺱ ﻟﺌﮯ ﺍﻥ ﮐﮯ ﮐﭽﮫ ﺍﺷﻌﺎﺭ ﻣﯿﮟ ” ﻏﺮﺑﺖ “ ﮐﺎ ﻟﻔﻆ ﺁﺭﮨﺎ ﮨﮯ۔
ﻏﺮﺑﺖ ﻣﯿﮟ ﺳﻨﮓ ﺭﺍﮦ ﮐﭽﮫ ﺁﺳﺎﻧﯿﺎﮞ ﺑﮭﯽ ﺗﮭﯿﮟ
ﮐﮭﺎﺗﯽ ﮨﮯ ﭨﮭﻮﮐﺮﯾﮟ ﻣﯿﺮﯼ ﻣﺸﮑﻞ ﺟﮕﮧ ﺟﮕﮧ
ﻏﻢ ﮨﺴﺘﯽ : ۔
ﻓﺎﻧﯽ ﮐﮯ ﯾﮩﺎﮞ ﻏﻢ ﮐﯽ ﭼﻮﺗﮭﯽ ﺻﻮﺭﺕ ” ﻏﻢ ﮨﺴﺘﯽ “ ﮐﮯ ﺭﻧﮓ ﻣﯿﮟ ﻧﻈﺮﺁﺗﯽ ﮨﮯ۔ ﯾﮧ ﻏﻢ ﺁﻓﺎﻗﯽ ﺍﻭﺭ ﮐﺎﺋﻨﺎﺗﯽ ﮨﮯ۔ ﺍﺱ ﻏﻢ ﮐﻮﻓﺎﻧﯽ ﻧﮯ ﺍﯾﮏ ﻓﻠﺴﻔﮧ ﮐﯽ ﺣﯿﺜﯿﺖ ﺳﮯ ﭘﯿﺶ ﮐﯿﺎ ﻭﮦ ﻏﺎﻟﺐ ﮐﯽ ﻃﺮﺡ ﻏﻢ ﮨﺴﺘﯽ ﮐﮯ ﻗﺎﺋﻞ ﮨﯿﮟ ﭼﻨﺎﻧﭽﮧ ﻭﮦ ﻓﺮﻣﺎﺗﮯ ﮨﯿﮟ ﮐﮧ
ﻓﺎﻧﯽ ﻏﻢ ﮨﺴﺘﯽ ﻧﮯ ﺯﻧﺪﮦ ﮨﯽ ﻣﺠﮭﮯ ﺳﻤﺠﮭﺎ
ﺟﺐ ﺗﮏ ﻣﯿﺮﮮ ﻣﺮﻧﮯ ﻣﯿﮟ ﺗﺎﺧﯿﺮ ﻧﻈﺮﺁﺋﯽ
ﻓﺎﻧﯽ ﮐﯽ ﺫﺍﺕ ﺳﮯ ﻏﻢ ﮨﺴﺘﯽ ﮐﯽ ﺗﮭﯽ ﻧﻤﻮﺩ
ﺷﯿﺮﺍﺯﮦ ﺁﺝ ﺩﻓﺘﺮ ِ ﻏﻢ ﮐﺎ ﺑﮑﮭﺮ ﮔﯿﺎ
ﻓﺎﻧﯽ ﻧﮯ ﻏﻢ ﮨﺴﺘﯽ ﮐﯽ ﺗﺸﺮﯾﺢ ﻣﻨﺪﺭﺟﮧ ﺫﯾﻞ ﺷﻌﺮ ﻣﯿﮟ ﺑﮭﯽ ﮐﯽ ﮨﮯ ﺍﺱ ﻣﯿﮟ ﺍﻧﮩﻮﮞ ﻧﮯ ﻏﻢ ﮐﻮ ﺍﺻﻞ ﮐﺎﺋﻨﺎﺕ ﺗﺼﻮﺭ ﮐﯿﺎﮨﮯ۔
ﻏﻢ ﺍﺻﻞ ﮐﺎﺋﻨﺎﺕ ﮨﮯ ﺩﻝ ﺟﻮﮨﺮ ﺣﯿﺎﺕ
ﺩﻝ ﻏﻢ ﺳﮯ ﻏﻢ ﮨﮯ ﺩﻝ ﺳﮯ ﻣﻘﺎﺑﻞ ﺟﮕﮧ ﺟﮕﮧ
ﻓﺎﻧﯽ ﻏﻢ ﮨﺴﺘﯽ ﮐﻮ ﺩﺭﺩ ﮐﺎ ﺧﺰﺍﻧﮧ ﺳﻤﺠﮭﺘﮯ ﮨﯿﮟ،
ﺧﺪﺍ ﮐﯽ ﺩﯾﻦ ﻧﮩﯿﮟ ﻇﺮﻑ ﺧﻠﻖ ﭘﺮ ﻣﻮﻗﻮﻑ
ﯾﮧ ﺩﻝ ﺑﮭﯽ ﮐﯿﺎ ﮨﮯ ﺟﺴﮯ ﺩﺭﺩ ﮐﺎ ﺧﺰﺍﻧﮧ ﻣﻼ
ﻏﺮﺽ ﯾﮧ ﮐﮧ ﻓﺎﻧﯿﻐﻢ ﮨﺴﺘﯽ ﮐﯽ ﺗﺸﺮﯾﺢ ﻣﺨﺘﻠﻒ ﻃﺮﯾﻘﮯ ﺳﮯ ﮐﺮﺗﮯ ﮨﯿﮟ ﺍﺱ ﻃﺮﺡ ﻭ ﮦ ﻏﺎﻟﺐ ﮐﯽ ﺳﺮﺣﺪ ﻣﯿﮟ ﺩﺍﺧﻞ ﮨﻮ ﺟﺎﺗﮯ ﮨﯿﮟ
ﻓﺎﻧﯽ ﮐﯽ ﺷﺎﻋﺮﯼ ﻣﯿﮟ ﻣﺮﺍﺟﻌﺖ ﮐﺎ ﺭﺟﺤﺎﻥ : ۔
ﻣﺎﮨﺮ ﻧﻔﺴﯿﺎﺕ ﻧﮯ ﻣﺮﺍﺟﻌﺖ ﺍﺱ ﺫﮨﻨﯿﺖ ﮐﺎ ﻧﺎﻡ ﺭﮐﮭﺎ ﮨﮯ ﺟﺲ ﮐﺎ ﺳﮩﺎﺭﺍ ﻟﮯ ﮐﺮ ﺍﻧﺴﺎﻥ ﺍﭘﻨﮯ ﻃﻔﻠﯽ ﻋﮩﺪ ﻣﯿﮟ ﻭﺍﭘﺲ ﺟﺎﺗﺎ ﮨﮯ۔ ﭼﻮﻧﮑﮧ ﻋﮩﺪ ﻃﻔﻠﯽ ﭘﺮ ﺳﮑﻮﮞ ﮨﻮﺗﺎ ﮨﮯ ﺍﺱ ﻟﺌﮯ ﺍﻧﺴﺎﻥ ﻣﺮﺍﺟﻌﺖ ﮐﮯ ﺫﺭﯾﻌﮯ ﺳﮑﻮﻥ ِ ﺩﻝ ﺣﺎﺻﻞ ﮐﺮﻧﮯ ﮐﯽ ﮐﻮﺷﺶ ﮐﺮﺗﺎ ﮨﮯ ﭼﻮﻧﮑﮧ ﺍﻧﺴﺎﻥ ﻣﺮﺍﺟﻌﺖ ﮐﮯ ﺫﺭﯾﻌﮯ ﻋﮩﺪ ﻃﻔﻠﯽ ﻣﯿﮟ ﻭﺍﭘﺲ ﺟﺎﻧﺎ ﭼﺎﮨﺘﺎ ﮨﮯ۔ ﺍﺱ ﻟﺌﮯ ﻭﮦ ﻣﺼﺎﺋﺐ ﮐﮯ ﻣﻮ ﻗﻊ ﭘﺮ ﮔﺮﯾﮧ ﺯﺍﺭﯼ ﺳﮯ ﻣﺠﺒﻮﺭ ﮨﮯ۔ ﻓﺎﻧﯽ ﻧﮯ ﺑﮭﯽ ﺍﭘﻨﯽ ﺷﺎﻋﺮﯼ ﻣﯿﮟ ﻣﺮﺍﺟﻌﺖ ﮐﺎ ﺍﻇﮩﺎﺭ ﮐﯿﺎ ﮨﮯ۔
ﺍُﻥ ﮐﮯ ﺑﮩﺖ ﺳﮯ ﺍﺷﻌﺎﺭ ﻣﯿﮟ ﮔﺮﯾﮧ ﻭ ﺯﺍﺭﯼ ﺍﻭﺭ ﺍﺷﮑﺒﺎﺭﯼ ﮐﺎ ﻋﺎﻟﻢ ﻧﻈﺮﺁﺗﺎ ﮨﮯ ۔ ﻓﺎﻧﯽ ﻧﮯ ﻣﻨﺪﺭﺟﮧ ﺫﯾﻞ ﻏﺰﻝ ﻣﯿﮟ ﮔﺮﯾﮧ ﻭ ﺯﺍﺭﯼ ﺳﮯ ﮐﺎﻡ ﻟﯿﺎ ﮨﮯ۔
ﮐﭽﮫ ﺍﺱ ﻃﺮﺡ ﺗﮍﭖ ﮐﺮ ﻣﯿﮟ ﺑﮯ ﻗﺮﺍﺭ ﺭﻭﯾﺎ
ﺩﺷﻤﻦ ﺑﮭﯽ ﭼﯿﺦ ﺍُﭨﮭﺎ ، ﺑﮯ ﺍﺧﺘﯿﺎﺭ ﺭﻭﯾﺎ
ﮐﯿﺎ ﺍُﺱ ﮐﻮ ﺑﮯ ﻗﺮﺍﺭﯼ ﯾﺎﺩ ﺁﮔﺌﯽ ﮨﻤﺎﺭﯼ
ﻣﻞ ﻣﻞ ﮐﮯ ﺑﺠﻠﯿﻮﮞ ﺳﮯ ﺍﺑﺮ ﺑﮩﺎﺭ ، ﺭﻭﯾﺎ
ﻓﺎﻧﯽ ﮐﻮ ﯾﮧ ﺟﻨﻮﮞ ﮨﮯ ﯾﺎ ﺗﯿﺮﯼ ﺁﺭﺯﻭ ﮨﮯ
ﮐﻞ ﻧﺎﻡ ﻟﮯ ﮐﮯ ﺗﯿﺮﺍ ﺑﮯ ﺍﺧﺘﯿﺎﺭ ﺭﻭﯾﺎ
ﺁﺫﺍﺭ ﭘﺴﻨﺪﯼ : ۔
ﭼﻮﻧﮑﮧ ﻓﺎﻧﯽ ﮨﻤﯿﺸﮧ ﻏﻢ ﺳﮯ ﭨﮑﺮﺍﺗﮯ ﺭﮨﮯ ﮨﯿﮟ ﺍﺱ ﻟﺌﮯ ﻭﮦ ﺁﺫﺍﺭﭘﺴﻨﺪ ﮨﻮ ﮔﺌﮯ ﺍﻭﺭ ﺍﻥ ﮐﻮ ﺍﺫﯾﺖ ﻣﯿﮟ ﻟﻄﻒ ﺁﻧﮯ ﻟﮕﺎ۔ ﺍﺱ ﺭﺟﺤﺎﻥ ﮐﻮ ﻧﻔﺴﯿﺎﺕ ﻣﯿﮟ ﺁﺫﺍﺭ ﭘﺴﻨﺪ ﯼ ﮐﺎ ﺭﺟﺤﺎﻥ ﮐﮩﺘﮯ ﮨﯿﮟ۔ ﻓﺎﻧﯽ ﮐﮯ ﮐﻼﻡ ﻣﯿﮟ ﺁﺫﺍﺭ ﭘﺴﻨﺪﯼ ﮐﮯ ﺑﮩﺖ ﺳﮯ ﺍﺷﻌﺎﺭ ﻣﻠﺘﮯ ﮨﯿﮟ۔ ﻣﺜﻼً ﻓﺎﻧﯽ ﻏﻢ ﺑﺮﺩﺍﺷﺖ ﮐﺮﻧﮯ ﮐﻮ ﺗﯿﺎﺭ ﮨﮯ ﻣﮕﺮ ﺍﺱ ﺷﺮﻁ ﭘﺮ،
ﺟﺘﻨﮯ ﻏﻢ ﭼﺎﮨﯿﮯ ﺩﮮ ﺟﺎ ﻣﺠﮭﮯ ﯾﺎ ﺭﺏ ﻟﯿﮑﻦ
ﮨﺮ ﻧﺌﮯ ﻏﻢ ﮐﮯ ﻟﺌﮯ ﺗﺎﺯﮦ ﺟﮕﺮ ﭘﯿﺪﺍ ﮐﺮ
ﻓﺎﻧﯽ ﻧﮯ ﺍﭘﻨﺎ ﻣﺬﺍﻕ ﺍﻭﺭ ﺷﯿﻮﮦ ﺣﯿﺎﺕ ﺑﮭﯽ ﻭﺍﺿﺢ ﮐﺮ ﺩﯾﺎ،
ﻣﺬﺍﻕ ﺗﻠﺦ ﭘﺴﻨﺪﯼ ﻧﮧ ﭘﻮﭼﮫ ﺍﺱ ﺩﻝ ﮐﺎ
ﺑﻐﯿﺮ ﻣﺮﮒ ﺟﺴﮯ ﺯﯾﺴﺖ ﮐﺎ ﻣﺰﮦ ﻧﮧ ﻣﻼ
ﻓﺎﻧﯽ ﮐﮯ ﻏﻢ ﮐﺎ ﯾﮧ ﻋﺎﻟﻢ ﮨﮯ ﮐﮧ ﻭﮦ ﻋﻤﺮ ﮔﺰﺷﺘﮧ ﮐﮯ ﮨﺮﻧﻔﺲ ﮐﻮ ﻣﯿﺖ ﺗﺼﻮﺭ ﮐﺮﺗﮯ ﮨﯿﮟ۔
ﮨﺮ ﻧﻔﺲ ﻋﻤﺮﮔﺰﺷﺘﮧ ﮐﯽ ﮨﮯ ﻣﯿﺖ ﻓﺎﻧﯽ
ﺯﻧﺪﮔﯽ ﻧﺎﻡ ﮨﮯ ﻣﺮ ﻣﺮ ﮐﮯ ﺟﯿﮯ ﺟﺎﻧﮯ ﮐﺎ
ﻏﺮﺽ ﮐﮧ ﻓﺎﻧﯽ ﻧﮯ ﺳﺎﺭﯼ ﺯﻧﺪﮔﯽ ﻏﻢ ﺑﺮﺩﺍﺷﺖ ﮐﺌﮯ ﺍﺱ ﻏﻢ ﮐﺎ ﺍﻧﺠﺎﻡ ﮐﯿﺎ ﮨﻮﺍ ﯾﮧ ﺑﮭﯽ ﻓﺎﻧﯽ ﮐﯽ ﺯﺑﺎﻧﯽ ﺳﻦ ﻟﯿﺠﺌﮯ
ﻣﺎﻝ ﺳﻮﺯ ﻏﻢ ﮨﺎﺋﮯ ﻧﮩﺎﻧﯽ ﺩﯾﮑﮭﺘﮯ ﺟﺎﺅ
ﺑﮭﮍﮎ ﺍُﭨﮭﯽ ﮨﮯ ﺷﻤﻊ ﺯﻧﺪﮔﺎﻧﯽ ﺩﯾﮑﮭﺘﮯ ﺟﺎﺅ
ﺷﺪﺕ ﺍﺣﺴﺎﺱ : ۔
ﻓﺎﻧﯽ ﮐﯽ ﺯﻧﺪﮔﯽ ﻏﻢ ﻭ ﺍﻟﻢ ﮐﺎ ﻣﺠﻤﻮﻋﮧ ﺭﮨﯽ ﮨﮯ ﺍﺱ ﻟﺌﮯ ﺍُﻥ ﮐﯽ ﺷﺎﻋﺮﯼ ﻣﯿﮟ ﺷﺪﺕ ِﺍﺣﺴﺎﺱ ﻣﻮﺟﻮﺩ ﮨﮯ۔ ﻓﺎﻧﯽ ﺯﻧﺪﮔﯽ ﺳﮯ ﺍﺱ ﻗﺪﺭ ﺍﮐﺘﺎ ﮔﺌﮯ ﮨﯿﮟ ﮐﮧ ﻭﮦ ﺑﺎﺭ ﺑﺎﺭ ﻣﻮﺕ ﮐﻮ ﯾﺎﺩ ﮐﺮﺗﮯ ﮨﯿﮟ ﺍﻭﺭ ﺍﺱ ﺍﻧﺘﻈﺎﺭ ﻣﯿﮟ ﺯﻧﺪﮔﯽ ﮐﮯ ﺩﻥ ﮔﺰﺍﺭﺗﮯ ﮨﯿﮟ۔ ﭼﻨﺎﻧﭽﮧ ﻭﮦ ﮐﮩﺘﮯ ﮨﯿﮟ
ﺗﻮ ﮐﮩﺎﮞ ﺗﮭﯽ ﺍﮮ ﺍﺟﻞ ﺍﮮ ﻧﺎﻣﺮﺍﺩﻭﮞ ﮐﯽ ﺍﻣﯿﺪ
ﻣﺮﻧﮯ ﻭﺍﻟﮯ ﺭﺍﮦ ﺗﯿﺮﯼ ﻋﻤﺮ ﺑﮭﺮ ﺩﯾﮑﮭﺎﮐﺌﮯ
ﻣﮕﺮ ﻣﻮﺕ ﺗﺎﺧﯿﺮ ﮐﺮ ﺭﮨﯽ ﮨﮯ۔
ﻇﮩﻮﺭ ﺟﻠﻮﮦ ﮐﻮ ﮨﮯ ﺍﯾﮏ ﺯﻧﺪﮔﯽ ﺩﺭﮐﺎﺭ
ﮐﻮﺋﯽ ﺍﺟﻞ ﮐﯽ ﻃﺮﺡ ﺩﯾﺮ ﺁﺷﻨﺎ ﻧﮧ ﻣﻼ
ﻓﺎﻧﯽ ﮐﻮ ﻣﻮﺕ ﮐﯽ ﮐﺘﻨﯽ ﺣﺴﺮﺕ ﮨﮯ ﻣﻼﺣﻈﮧ ﻓﺮﻣﺎﺋﯿﮯ،
ﭼﻤﻦ ﺳﮯ ﺭﺧﺼﺖِ ﻓﺎﻧﯽ ﻗﺮﯾﺐ ﮨﮯ ﺷﺎﺋﺪ
ﮐﭽﮫ ﺍﺏ ﮐﮯ ﺑﻮﺋﮯ ﮐﻔﻦ ﺩﺍﻣﻦ ﺑﮩﺎﺭ ﻣﯿﮟ ﮨﮯ
ﻓﺎﻧﯽ ﺍﭘﻨﯽ ﺯﻧﺪﮔﯽ ﺳﮯ ﻋﺎﺟﺰ ﮨﯿﮟ ﺍﺱ ﻟﺌﮯ ﺍُﻥ ﮐﻮ ﺯﮨﺮ ﮐﯽ ﺗﻼﺵ ﮨﮯ،
ﺩﺑﯽ ﺯﺑﺎﮞ ﺳﮯ ﻣﺮﺍ ﺣﺎﻝ ﭼﺎﺭﮦ ﺳﺎﺯ ﻧﮧ ﭘﻮﭼﮫ
ﺑﺲ ﺍﺏ ﺗﻮ ﺯﮨﺮ ﮨﯽ ﺩﮮ ﺯﮨﺮ ﻣﯿﮟ ﺩﻭﺍ ﻧﮧ ﻣﻼ
ﺍﻧﻔﺮﺍﺩﯾﺖ : ۔
ﻓﺎﻧﯽ ﮐﯽ ﺍﻧﻔﺮﺍﺩﯾﺖ ﮐﮯ ﺑﺎﺭﮮ ﻣﯿﮟ ﻧﻘﺎﺩ ﻗﺎﺿﯽ ﻋﺒﺪﺍﻟﻐﻔﺎﺭ ﻓﺮﻣﺎﺗﮯ ﮨﯿﮟ،
” ﻓﺎﻧﯽ ﮐﯽ ﺷﺎﻋﺮﯼ ﯾﮑﺴﺮ ﻓﺎﻧﯽ ﮨﯽ ﮐﯽ ﺭﻭﺡ ﮨﮯ ﺍﺱ ﺷﺎﻋﺮﯼ ﮐﻮ ﻓﺎﻧﯽ ﮐﯽ ﺭﻭﺡ ﺳﮯ ﺍﻟﮓ ﮐﺮ ﻟﯿﺠﺌﮯ ﯾﺎ ﻓﺎﻧﯽ ﮐﯽ ﺭﻭﺡ ﮐﻮ ﺍﺱ ﺷﺎﻋﺮﯼ ﺳﮯ ﺧﺎﺭﺝ ﮐﺮ ﺩﯾﺠﯿﺌﮯ ( ﮔﻮ ﮐﮧ ﯾﮧ ﺩﻭﻧﻮﮞ ﺑﺎﺗﯿﮟ ﻣﻤﮑﻦ ﻧﮩﯿﮟ ) ﺗﻮ ﺭﮦ ﮐﯿﺎ ﺟﺎﺗﺎ ﮨﮯ ﺍﻥ ﺍﻭﺭﺍﻕ ﻣﯿﮟ ﺳﻮﺍﺋﮯ ﻭﺣﺸﺖ ﺫﺩﮦ ﺍﻭﺭ ﻭﯾﺮﺍﻥ ﺧﻼ ﮐﮯ۔ “
ﻗﻨﻮﻃﯿﺖ ﺍﻥ ﮐﯽ ﺍﯾﮏ ﺧﺼﻮﺻﯿﺖ ﮨﮯ ﺍﻭﺭ ﯾﮧ ﺧﺼﻮ ﺻﯿﺖ ﺍﻥ ﮐﯽ ﺍﻧﻔﺮﺍﺩﯾﺖ ﮨﮯ۔ ﻓﺎﻧﯽ ﻧﮯ ﺟﻮ ﮐﭽﮫ ﮐﮩﺎ ﻭﮦ ﮔﻮﯾﺎ ﺍﺱ ﮐﯽ ﺍﭘﻨﯽ ﺑﺎﺕ ﮨﮯ ﺍﺱ ﮐﯽ ﺍﭘﻨﯽ ﻭﺍﺭﺩﺍﺕ ﮨﮯ ﺁﭖ ﺑﯿﺘﯽ ﮨﮯ۔
ﺧﺎﮎ ﻓﺎﻧﯽ ﮐﯽ ﻗﺴﻢ ﮨﮯ ﺗﺠﮭﮯ ﺍﮮ ﺩﺷﺖ ﺟﻨﻮﮞ
ﮐﺲ ﺳﮯ ﺳﯿﮑﮭﺎ ﺗﯿﺮﮮ ﺫﺭﻭﮞ ﻧﮯ ﺑﯿﺎﺑﺎﮞ ﮨﻮﻧﺎ
ﺑﮯ ﺍﺟﻞ ﮐﺎﻡ ﻧﮧ ﺍﭘﻨﺎ ﮐﺴﯽ ﻋﻨﻮﺍﮞ ﻧﮑﻼ
ﺩﻡ ﺗﻮ ﻧﮑﻼ ﻣﮕﺮﺁﺯﺭﺩﮦ ﺍﺣﺴﺎﮞ ﻧﮑﻼ
ﺑﻘﻮﻝ ﻗﺎﺿﯽ ﻋﺒﺪﺍﻟﻐﻔﺎﺭ ،
” ﻣﯿﮟ ﯾﮧ ﺳﻤﺠﮭﺘﺎ ﮨﻮﮞ ﮐﮧ ﺍﮔﺮ ﻓﻠﺴﻔﮧ ﻏﻢ ﺳﮯ ﻓﺎﻧﯽ ﮐﮯ ﺍﻓﮑﺎﺭ ﺍﺱ ﻗﺪ ﺭ ﻣﺘﺎﺛﺮ ﻧﮧ ﮨﻮﺋﮯ ﮨﻮﺗﮯ ﺗﻮ ﺷﺎﺋﺪ ﺍﻥ ﮐﯽ ﺍﻧﻔﺮﺍﺩﯾﺖ ﺍﺱ ﻣﻘﺎﻡ ﺗﮏ ﻧﮧ ﭘﮩﻨﭻ ﺳﮑﺘﯽ ﺟﮩﺎﮞ ﺍﺱ ﮐﻮ ﮨﻢ ﺩﯾﮑﮫ ﺭﮨﮯ ﮨﯿﮟ ۔۔۔۔۔ﻭﮦ ﻣﺮﺩﺍﻧﮧ ﻭﺍﺭ ﻣﺮﻧﮯ ﮐﯽ ﻋﻈﻤﺖ ﮐﮯ ﻗﺎﺋﻞ ﮨﯿﮟ۔ “
ﻧﺎﮐﺎﻡ ﮨﮯ ﺗﻮ ﮐﯿﺎ ﮨﮯ ﮐﭽﮫ ﮐﺎﻡ ﭘﮭﺮ ﺑﮭﯽ ﮐﺮ ﺟﺎ
ﻣﺮﺩﺍﻧﮧ ﻭﺍﺭ ﺟﯽ ﺍﻭﺭ ﻣﺮﺩﺍﻧﮧ ﻭﺍﺭ ﻣﺮﺟﺎ
ﺍﮨﻞ ﺩﻧﯿﺎ ﻣﺠﮭﮯ ﺳﻤﺠﮫ ﻟﯿﮟ ﮔﮯ
ﺩﻝ ﮐﺴﯽ ﺩﻥ ﺫﺭﺍ ﻟﮩﻮ ﺗﻮ ﮐﺮﯾﮟ
ﺩﻭ ﮔﮭﮍﯼ ﮐﮯ ﻟﺌﮯ ﻣﯿﺰﺍﻥ ﻋﺪﺍﻟﺖ ﭨﮭﮩﺮﮮ
ﮐﭽﮫ ﻣﺠﮭﮯ ﺣﺸﺮ ﻣﯿﮟ ﮐﮩﻨﺎ ﮨﮯ ﺧﺪﺍ ﺳﮯ ﭘﮩﻠﮯ
ﻣﺠﻤﻮﻋﯽ ﺟﺎﺋﺰﮦ : ۔
ﺑﻘﻮﻝ ﻓﺮﺍﻕ ﮔﻮﺭﮐﮭﭙﻮﺭﯼ،
” ﻓﺎﻧﯽ ﻧﮯ ﻏﻢ ، ﺍﻭﺭ ﻗﻨﻮﻃﯿﺖ ﮐﻮ ﻧﯿﺎ ﻣﺰﺍﺝ ﺩﯾﺎ ﺍﯾﮏ ﮐﻠﭽﺮ ﺩﯾﺎ، ﺍﻧﮩﻮﮞ ﻧﮯ ﻏﻢ ﮐﻮ ﺍﯾﮏ ﻧﺌﯽ ﭼﻤﮑﺎﺭ ﺩﯼ ﺍُﺳﮯ ﻧﺮﻡ ﺍﻭﺭ ﻟﭽﮏ ﺩﺍﺭ ﺍُﻧﮕﻠﯿﻮﮞ ﺳﮯ ﺭﭼﺎﯾﺎ ﺍﻭﺭ ﻧﮑﮭﺎﺭﺍ ﺍﺳﮯ ﻧﺌﯽ ﻟﻮﺭﯾﺎﮞ ﺳﻨﺎﺋﯿﮟ ﺍﺳﮯ ﺍﭘﻨﯽ ﺁﻭﺍﺯ ﮐﮯ ﺍﯾﮏ ﺧﺎﺹ ﻟﻮﭺ ﺳﮯ ﺳﻼﯾﺎ، ﺍﻭﺭ ﺟﮕﺎﯾﺎ، ﺯﻧﺪﮔﯽ ﮐﮯ ﺍﻧﺪﺭ ﻧﺌﯽ ﺭﻭﮎ ﺗﮭﺎﻡ ﻧﺌﯽ ﺗﮭﺮ ﺗﮭﺮﯼ ﭘﯿﺪﺍ ﮐﯽ۔ ﻧﺌﯽ ﭼﭩﮑﯿﺎﮞ ، ﻧﺌﯽ ﮔﺪﮔﺪﯼ ، ﻧﺌﯽ ﻟﺮﺯﺷﯿﮟ ، ﻧﺌﯽ ﺳﺮﻥ ﺍُﻥ ﮐﮯ ﮨﺎﺗﮭﻮﮞ ﺳﮯ ﻏﻢ ﮐﯽ ﺩﮐﮭﯽ ﮨﻮﺋﯽ ﺭﮔﻮﮞ ﮐﻮ ﻣﻠﯿﮟ۔
“ ﺑﻘﻮﻝ ﻋﻄﺎ :
” ﻣﯿﺮ ﮐﯽ ﺭﻭﺡ ﻧﮯ ﻏﺎﻟﺐ ﮐﮯ ﻗﺎﻟﺐ ﻣﯿﮟ ﺩﻭﺑﺎﺭﮦ ﺟﻨﻢ ﻟﮯ ﮐﺮ ﻓﺎﻧﯽ ﻧﺎﻡ ﭘﺎﯾﺎ۔ “
ﺑﻘﻮﻝ ﺟﻮﺵ :
” ﺟﺐ ﮨﻢ ﻓﺎﻧﯽ ﮐﺎ ﮐﻼﻡ ﭘﮍﮬﺘﮯ ﮨﯿﮟ ﺗﻮ ﺍﯾﺴﺎ ﻣﻌﻠﻮﻡ ﮨﻮﺗﺎ ﮨﮯ ﮐﮧ ﺁﻧﺴﻮﺋﻮﮞ ﮐﯽ ﻧﺪﯼ ﮐﮯ ﺳﺎﺣﻞ ﭘﺮ ﺳﻨﮓ ﻣﻮﺳﯽٰ ﮐﺎ ﺍﯾﮏ ﺑﮍﺍ ﻣﻨﺪﺭ ﮨﮯ ﺟﺲ ﮐﮯ ﻭﺳﻂ ﻣﯿﮟ ﻏﻢ ﮐﯽ ﺩﯾﻮﯼ ﮐﺎ ﺍﯾﮏ ﺑﺖ ﺭﮐﮭﺎ ﮨﻮﺍ ﮨﮯ۔ ﺍﻭﺭ ﺍﯾﮏ ﺳﯿﺎﮦ ﭘﻮﺵ ﺑﺮﮨﻤﻦ ﮨﮯ ﺟﻮ ﺩﮬﮍﮐﺘﮯ ﮨﻮﺋﮯ ﺩﻝ ﮐﯽ ﮔﮭﻨﭩﯽ ﺑﺠﺎ ﺑﺠﺎ ﮐﺮ ﭘﻮﺟﺎ ﮐﺮ ﺭﮨﺎ ﮨﮯ۔ “
ﮨﻤﯿﮟ ﺍﺑﮭﯽ ﺗﯿﺮﮮ ﺍﺷﻌﺎﺭ ﯾﺎ ﺩ ﮨﯿﮟ ﻓﺎﻧﯽ
ﺗﯿﺮﺍ ﻧﺸﺎﮞ ﻧﮧ ﺭﮨﺎ ، ﺍﻭﺭ ﺑﮯ ﻧﺸﺎﮞ ﻧﮧ ﮨﻮﺍ
بشکریہ وکی پیڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام:
ﺳﻮﺍﻝ ﺩﯾﺪ ﭘﮧ ﺗﯿﻮﺭﯼ ﭼﮍﮬﺎﺋﯽ ﺟﺎﺗﯽ ﮨﮯ
ﻣﺠﺎﻝ ﺩﯾﺪ ﭘﮧ ﺑﺠﻠﯽ ﮔﺮﺍﺋﯽ ﺟﺎﺗﯽ ﮨﮯ
ﺧﺪﺍ ﺑﺨﯿﺮ ﮐﺮﮮ ﺿﺒﻂ ﺷﻮﻕ ﮐﺎ ﺍﻧﺠﺎﻡ
ﻧﻘﺎﺏ ﻣﯿﺮﯼ ﻧﻈﺮ ﺳﮯ ﺍﭨﮭﺎﺋﯽ ﺟﺎﺗﯽ ﮨﮯ
ﺍﺳﯽ ﮐﻮ ﺟﻠﻮۂ ﺍﯾﻤﺎﻥ ﻋﺸﻖ ﮐﮩﺘﮯ ﮨﯿﮟ
ﮨﺠﻮﻡ ﯾﺎﺱ ﻣﯿﮟ ﺑﮭﯽ ﺁﺱ ﭘﺎﺋﯽ ﺟﺎﺗﯽ ﮨﮯ
ﺍﺏ ﺁ ﮔﺌﮯ ﮨﻮ ﺗﻮ ﺍﻭﺭ ﺍﮎ ﺫﺭﺍ ﭨﮭﮩﺮ ﺟﺎﺅ
ﺍﺑﮭﯽ ﺍﺑﮭﯽ ﻣﺮﯼ ﻣﯿﺖ ﺍﭨﮭﺎﺋﯽ ﺟﺎﺗﯽ ﮨﮯ
ﻣﺮﮮ ﻗﯿﺎﺱ ﮐﻮ ﺍﭘﻨﯽ ﺗﻼﺵ ﻣﯿﮟ ﮐﮭﻮ ﮐﺮ
ﻣﺮﮮ ﺣﻮﺍﺱ ﮐﻮ ﺩﻧﯿﺎ ﺩﮐﮭﺎﺋﯽ ﺟﺎﺗﯽ ﮨﮯ
۔۔۔۔۔۔۔۔۔۔۔۔
ﻣﺮ ﮐﺮ ﻣﺮﯾﺾ ﻏﻢ ﮐﯽ ﻭﮦ ﺣﺎﻟﺖ ﻧﮩﯿﮟ ﺭﮨﯽ
ﯾﻌﻨﯽ ﻭﮦ ﺍﺿﻄﺮﺍﺏ ﮐﯽ ﺻﻮﺭﺕ ﻧﮩﯿﮟ ﺭﮨﯽ
ﮨﺮ ﻟﻤﺤۂ ﺣﯿﺎﺕ ﺭﮨﺎ ﻭﻗﻒ ﮐﺎﺭ ﺷﻮﻕ
ﻣﺮﻧﮯ ﮐﯽ ﻋﻤﺮ ﺑﮭﺮ ﻣﺠﮭﮯ ﻓﺮﺻﺖ ﻧﮩﯿﮟ ﺭﮨﯽ
ﺍﯾﮏ ﻧﺎﻟۂ ﺧﻤﻮﺵ ﻣﺴﻠﺴﻞ ﮨﮯ ﺍﻭﺭ ﮨﻢ
ﯾﺎﺩﺵ ﺑﺨﯿﺮ ﺿﺒﻂ ﮐﯽ ﻃﺎﻗﺖ ﻧﮩﯿﮟ ﺭﮨﯽ
ﻭﮦ ﻋﮩﺪ ﺩﻝ ﻓﺮﯾﺒﺊ ﺗﺎﺛﯿﺮ ﺍﺏ ﮐﮩﺎﮞ
ﻣﺪﺕ ﺳﮯ ﺁﮦ ﺁﮦ ﮐﯽ ﺣﺴﺮﺕ ﻧﮩﯿﮟ ﺭﮨﯽ
ﺩﻝ ﺍﻭﺭ ﮨﻮﺍﺋﮯ ﺳﻠﺴﻠۂ ﺟﻨﺒﺎﻧﺊ ﻧﺸﺎﻁ
ﮐﯿﻮﮞ ﭘﺎﺱ ﻭﺿﻊ ﻏﻢ ﺗﺠﮭﮯ ﻏﯿﺮﺕ ﻧﮩﯿﮟ ﺭﮨﯽ
ﮨﺮ ﺑﮯ ﮔﻨﺎﮦ ﺳﮯ ﻭﻋﺪۂ ﺑﺨﺸﺶ ﮨﮯ ﺭﻭﺯ ﺣﺸﺮ
ﮔﻮﯾﺎ ﮔﻨﺎﮦ ﮐﯽ ﺑﮭﯽ ﺿﺮﻭﺭﺕ ﻧﮩﯿﮟ ﺭﮨﯽ
ﺍﮮ ﻋﺮﺽ ﺷﻮﻕ ﻣﮋﺩﮦ ﮐﮧ ﺩﻝ ﭼﺎﮎ ﮨﻮ ﮔﯿﺎ
ﺗﮑﻠﯿﻒ ﭘﺮﺩﮦ ﺩﺍﺭﺉ ﺣﺴﺮﺕ ﻧﮩﯿﮟ ﺭﮨﯽ
ﭘﺘﮭﺮﺍ ﮔﺌﯽ ﺗﮭﯽ ﺁﻧﮑﮫ ﻣﮕﺮ ﺑﻨﺪ ﺗﻮ ﻧﮧ ﺗﮭﯽ
ﺍﺏ ﯾﮧ ﺑﮭﯽ ﺍﻧﺘﻈﺎﺭ ﮐﯽ ﺻﻮﺭﺕ ﻧﮩﯿﮟ ﺭﮨﯽ
ﻋﺒﺮﺕ ﻧﮯ ﺑﯿﮑﺴﯽ ﮐﺎ ﻧﺸﺎﮞ ﺑﮭﯽ ﻣﭩﺎ ﺩﯾﺎ
ﺍﮌﺗﯽ ﺗﮭﯽ ﺟﺲ ﭘﮧ ﺧﺎﮎ ﻭﮦ ﺗﺮﺑﺖ ﻧﮩﯿﮟ ﺭﮨﯽ
ﻣﺤﺸﺮ ﻣﯿﮟ ﺑﮭﯽ ﻭﮦ ﻋﮩﺪ ﻭﻓﺎ ﺳﮯ ﻣﮑﺮ ﮔﺌﮯ
ﺟﺲ ﮐﯽ ﺧﻮﺷﯽ ﺗﮭﯽ ﺍﺏ ﻭﮦ ﻗﯿﺎﻣﺖ ﻧﮩﯿﮟ ﺭﮨﯽ
ﮐﺲ ﻣﻨﮧ ﺳﮯ ﻏﻢ ﮐﮯ ﺿﺒﻂ ﮐﺎ ﺩﻋﻮﯼٰ ﮐﺮﮮ ﮐﻮﺋﯽ
ﻃﺎﻗﺖ ﺑﻘﺪﺭ ﺣﺴﺮﺕ ﺭﺍﺣﺖ ﻧﮩﯿﮟ ﺭﮨﯽ
ﻓﺎﻧﯽؔ ﺍﻣﯿﺪ ﻣﺮﮒ ﻧﮯ ﺑﮭﯽ ﺩﮮ ﺩﯾﺎ ﺟﻮﺍﺏ
ﺟﯿﻨﮯ ﮐﯽ ﮨﺠﺮ ﻣﯿﮟ ﮐﻮﺋﯽ ﺻﻮﺭﺕ ﻧﮩﯿﮟ ﺭﮨﯽ
۔۔۔۔۔۔۔۔۔۔۔
ﺟﺐ ﭘﺮﺳﺶ ﺣﺎﻝ ﻭﮦ ﻓﺮﻣﺎﺗﮯ ﮨﯿﮟ ﺟﺎﻧﯿﮯ ﮐﯿﺎ ﮨﻮ ﺟﺎﺗﺎ ﮨﮯ
ﮐﭽﮫ ﯾﻮﮞ ﺑﮭﯽ ﺯﺑﺎﮞ ﻧﮩﯿﮟ ﮐﮭﻠﺘﯽ ﮐﭽﮫ ﺩﺭﺩ ﺳﻮﺍ ﮨﻮ ﺟﺎﺗﺎ ﮨﮯ
ﺍﺏ ﺧﯿﺮ ﺳﮯ ﺍﻥ ﮐﯽ ﺑﺰﻡ ﮐﺎ ﺍﺗﻨﺎ ﺭﻧﮓ ﺗﻮ ﺑﺪﻻ ﻣﯿﺮﮮ ﺑﻌﺪ
ﺟﺐ ﻧﺎﻡ ﻣﺮﺍ ﺁ ﺟﺎﺗﺎ ﮨﮯ ﮐﭽﮫ ﺫﮐﺮ ﻭﻓﺎ ﮨﻮ ﺟﺎﺗﺎ ﮨﮯ
ﯾﮑﺘﺎﺋﮯ ﺯﻣﺎﻧﮧ ﮨﻮﻧﮯ ﭘﺮ ﺻﺎﺣﺐ ﯾﮧ ﻏﺮﻭﺭ ﺧﺪﺍﺋﯽ ﮐﺎ
ﺳﺐ ﮐﭽﮫ ﮨﻮ ﻣﮕﺮ ﺧﺎﮐﻢ ﺑﺪﮨﻦ ﮐﯿﺎ ﮐﻮﺋﯽ ﺧﺪﺍ ﮨﻮﺟﺎﺗﺎ ﮨﮯ
ﻗﻄﺮﮦ ﻗﻄﺮﮦ ﺭﮨﺘﺎ ﮨﮯ ﺩﺭﯾﺎ ﺳﮯ ﺟﺪﺍ ﺭﮦ ﺳﮑﻨﮯ ﺗﮏ
ﺟﻮ ﺗﺎﺏ ﺟﺪﺍﺋﯽ ﻻ ﻧﮧ ﺳﮑﮯ ﻭﮦ ﻗﻄﺮﮦ ﻓﻨﺎ ﮨﻮ ﺟﺎﺗﺎ ﮨﮯ
ﭘﮭﺮ ﺩﻝ ﺳﮯ ﻓﺎﻧﯽؔ ﺳﺎﺭﮮ ﮐﮯ ﺳﺎﺭﮮ ﻧﻘﺶ ﺟﻔﺎ ﻣﭧ ﺟﺎﺗﮯ ﮨﯿﮟ
ﺟﺲ ﻭﻗﺖ ﻭﮦ ﻇﺎﻟﻢ ﺳﺎﻣﻨﮯ ﺁ ﮐﺮ ﺟﺎﻥ ﺣﯿﺎ ﮨﻮﺟﺎﺗﺎ ﮨﮯ
۔۔۔۔۔۔۔۔۔۔۔
ﺍﮮ ﺍﺟﻞ ﺍﮮ ﺟﺎﻥ ﻓﺎﻧﯽؔ ﺗﻮ ﻧﮯ ﯾﮧ ﮐﯿﺎ ﮐﺮ ﺩﯾﺎ
ﻣﺎﺭ ﮈﺍﻻ ﻣﺮﻧﮯ ﻭﺍﻟﮯ ﮐﻮ ﮐﮧ ﺍﭼﮭﺎ ﮐﺮ ﺩﯾﺎ
ﺟﺐ ﺗﺮﺍ ﺫﮐﺮ ﺁ ﮔﯿﺎ ﮨﻢ ﺩﻓﻌﺘﺎً ﭼﭗ ﮨﻮ ﮔﺌﮯ
ﻭﮦ ﭼﮭﭙﺎﯾﺎ ﺭﺍﺯ ﺩﻝ ﮨﻢ ﻧﮯ ﮐﮧ ﺍﻓﺸﺎ ﮐﺮ ﺩﯾﺎ
ﮐﺲ ﻗﺪﺭ ﺑﮯ ﺯﺍﺭ ﺗﮭﺎ ﺩﻝ ﻣﺠﮫ ﺳﮯ ﺿﺒﻂ ﺷﻮﻕ ﭘﺮ
ﺟﺐ ﮐﮩﺎ ﺩﻝ ﮐﺎ ﮐﯿﺎ ﻇﺎﻟﻢ ﻧﮯ ﺭﺳﻮﺍ ﮐﺮ ﺩﯾﺎ
ﯾﻮﮞ ﭼﺮﺍﺋﯿﮟ ﺍﺱ ﻧﮯ ﺁﻧﮑﮭﯿﮟ ﺳﺎﺩﮔﯽ ﺗﻮ ﺩﯾﮑﮭﯿﮯ
ﺑﺰﻡ ﻣﯿﮟ ﮔﻮﯾﺎ ﻣﺮﯼ ﺟﺎﻧﺐ ﺍﺷﺎﺭﺍ ﮐﺮ ﺩﯾﺎ
ﺩﺭﺩﻣﻨﺪﺍﻥ ﺍﺯﻝ ﭘﺮ ﻋﺸﻖ ﮐﺎ ﺍﺣﺴﺎﮞ ﻧﮩﯿﮟ
ﺩﺭﺩ ﯾﺎﮞ ﺩﻝ ﺳﮯ ﮔﯿﺎ ﮐﺐ ﺗﮭﺎ ﮐﮧ ﭘﯿﺪﺍ ﮐﺮ ﺩﯾﺎ
ﺩﻝ ﮐﻮ ﭘﮩﻠﻮ ﺳﮯ ﻧﮑﻞ ﺟﺎﻧﮯ ﮐﯽ ﭘﮭﺮ ﺭﭦ ﻟﮓ ﮔﺌﯽ
ﭘﮭﺮ ﮐﺴﯽ ﻧﮯ ﺁﻧﮑﮭﻮﮞ ﺁﻧﮑﮭﻮﮞ ﻣﯿﮟ ﺗﻘﺎﺿﺎ ﮐﺮ ﺩﯾﺎ
ﺭﻧﺞ ﭘﺎﯾﺎ ﺩﻝ ﺩﯾﺎ ﺳﭻ ﮨﮯ ﻣﮕﺮ ﯾﮧ ﺗﻮ ﮐﮩﻮ
ﮐﯿﺎ ﮐﺴﯽ ﻧﮯ ﺩﮮ ﮐﮯ ﭘﺎﯾﺎ ﮐﺲ ﻧﮯ ﮐﯿﺎ ﭘﺎ ﮐﺮ ﺩﯾﺎ
ﺑﭻ ﺭﮨﺎ ﺗﮭﺎ ﺍﯾﮏ ﺁﻧﺴﻮﺩﺍﺭ ﻭ ﮔﯿﺮ ﺿﺒﻂ ﺳﮯ
ﺟﻮﺷﺶ ﻏﻢ ﻧﮯ ﭘﮭﺮ ﺍﺱ ﻗﻄﺮﮮ ﮐﻮ ﺩﺭﯾﺎ ﮐﺮ ﺩﯾﺎ
ﻓﺎﻧﯽؔ ﻣﮩﺠﻮﺭ ﺗﮭﺎ ﺁﺝ ﺁﺭﺯﻭ ﻣﻨﺪ ﺍﺟﻞ
ﺁﭖ ﻧﮯ ﺁ ﮐﺮ ﭘﺸﯿﻤﺎﻥ ﺗﻤﻨﺎ ﮐﺮ ﺩﯾﺎ
۔۔۔۔۔۔۔۔۔۔۔
ﻋﺸﻖ ﻋﺸﻖ ﮨﻮ ﺷﺎﯾﺪ ﺣﺴﻦ ﻣﯿﮟ ﻓﻨﺎ ﮨﻮ ﮐﺮ
ﺍﻧﺘﮩﺎ ﮨﻮﺋﯽ ﻏﻢ ﮐﯽ ﺩﻝ ﮐﯽ ﺍﺑﺘﺪﺍ ﮨﻮ ﮐﺮ
ﺩﻝ ﮨﻤﯿﮟ ﮨﻮﺍ ﺣﺎﺻﻞ ﺩﺭﺩ ﻣﯿﮟ ﻓﻨﺎ ﮨﻮ ﮐﺮ
ﻋﺸﻖ ﮐﺎ ﮨﻮﺍ ﺁﻏﺎﺯ ﻏﻢ ﮐﯽ ﺍﻧﺘﮩﺎ ﮨﻮ ﮐﺮ
ﻧﺎﻣﺮﺍﺩ ﺭﮨﻨﮯ ﺗﮏ ﻧﺎﻣﺮﺍﺩ ﺟﯿﺘﮯ ﮨﯿﮟ
ﺳﺎﻧﺲ ﺑﻦ ﮔﯿﺎ ﺍﮎ ﺍﯾﮏ ﻧﺎﻟﮧ ﻧﺎﺭﺳﺎ ﮨﻮ ﮐﺮ
ﺍﺏ ﮨﻮﺋﯽ ﺯﻣﺎﻧﮧ ﻣﯿﮟ ﺷﯿﻮۂ ﻭﻓﺎ ﮐﯽ ﻗﺪﺭ
ﻋﺎﻟﻢ ﺁﺷﻨﺎ ﮨﮯ ﻭﮦ ﺩﺷﻤﻦ ﻭﻓﺎ ﮨﻮ ﮐﺮ
ﺍﻭﺭ ﺑﻨﺪﮮ ﮨﯿﮟ ﺟﻦ ﮐﻮ ﺩﻋﻮﯼ ﺧﺪﺍﺋﯽ ﮨﮯ
ﺗﮭﯽ ﮨﻤﺎﺭﯼ ﻗﺴﻤﺖ ﻣﯿﮟ ﺑﻨﺪﮔﯽ ﺧﺪﺍ ﮨﻮ ﮐﺮ
ﻋﻤﺮ ﺧﻀﺮ ﮐﮯ ﺍﻧﺪﺍﺯ ﮨﺮ ﻧﻔﺲ ﻣﯿﮟ ﭘﺎﺗﺎ ﮨﻮﮞ
ﺯﻧﺪﮔﯽ ﻧﺌﯽ ﭘﺎﺋﯽ ﺁﭖ ﺳﮯ ﺟﺪﺍ ﮨﻮ ﮐﺮ
ﺑﮍﮬﺘﺎ ﮨﮯ ﻧﮧ ﮔﮭﭩﺘﺎ ﮨﮯ ﻣﺮﺗﮯ ﮨﯿﮟ ﻧﮧ ﺟﯿﺘﮯ ﮨﯿﮟ
ﺩﺭﺩ ﭘﺮ ﺧﺪﺍ ﮐﯽ ﻣﺎﺭ ﺩﻝ ﻣﯿﮟ ﺭﮦ ﮔﯿﺎ ﮨﻮ ﮐﺮ
ﮐﺎﺭﮔﺎﮦ ﺣﺴﺮﺕ ﮐﺎ ﺣﺸﺮ ﮐﯿﺎ ﮨﻮﺍ ﯾﺎ ﺭﺏ
ﺩﺍﻍ ﺩﻝ ﭘﮧ ﮐﯿﺎ ﮔﺰﺭﯼ ﻧﻘﺶ ﻣﺪﻋﺎ ﮨﻮ ﮐﺮ
ﻋﺸﻖ ﺳﮯ ﮨﻮﺋﮯ ﺁﮔﺎﮦ ﺻﺒﺮ ﮐﯽ ﺑﮭﯽ ﺣﺪ ﺩﯾﮑﮭﯽ
ﺧﺎﮎ ﻣﯿﮟ ﻣﻼ ﺩﻭﮔﮯ ﺩﯾﺮ ﺁﺷﻨﺎ ﮨﻮ ﮐﺮ
ﮐﯽ ﻗﻀﺎﺋﮯ ﻣﺒﺮﻡ ﻧﮯ ﺯﻧﺪﮔﯽ ﮐﯽ ﻏﻢ ﺧﻮﺍﺭﯼ
ﺩﺭﺩ ﮐﯽ ﺩﻭﺍ ﭘﮩﻨﭽﯽ ﺩﺭﺩ ﺑﮯ ﺩﻭﺍ ﮨﻮ ﮐﺮ
ﺯﻧﺪﮔﯽ ﺳﮯ ﮨﻮ ﺑﮯ ﺯﺍﺭ ﻓﺎﻧﯽؔ ﺍﺱ ﺳﮯ ﮐﯿﺎ ﺣﺎﺻﻞ
ﻣﻮﺕ ﮐﻮ ﻣﻨﺎ ﻟﻮﮔﮯ ﺟﺎﻥ ﺳﮯ ﺧﻔﺎ ﮨﻮ ﮐﺮ
۔۔۔۔۔۔۔۔۔۔
ﺍﺏ ﺍﻧﮩﯿﮟ ﺍﭘﻨﯽ ﺍﺩﺍﺅﮞ ﺳﮯ ﺣﺠﺎﺏ ﺁﺗﺎ ﮨﮯ
ﭼﺸﻢ ﺑﺪ ﺩﻭﺭ ﺩﻟﮩﻦ ﺑﻦ ﮐﮯ ﺷﺒﺎﺏ ﺁﺗﺎ ﮨﮯ
ﮨﺠﺮ ﻣﯿﮟ ﺑﮭﯽ ﻣﺠﮭﮯ ﺍﻣﺪﺍﺩ ﺍﺟﻞ ﮨﮯ ﺩﺭﮐﺎﺭ
ﻣﯿﺮﯼ ﺗﺮﺑﺖ ﭘﮧ ﻧﮧ ﺁ ﺗﺠﮫ ﺳﮯ ﺣﺠﺎﺏ ﺁﺗﺎ ﮨﮯ
ﺩﯾﺪ ﺁﺧﺮ ﮨﮯ ﺍﻟﭧ ﺩﯾﺠﯿﮯ ﭼﮩﺮﮮ ﺳﮯ ﻧﻘﺎﺏ
ﺁﺝ ﻣﺸﺘﺎﻕ ﮐﮯ ﭼﮩﺮﮮ ﭘﮧ ﻧﻘﺎﺏ ﺁﺗﺎ ﮨﮯ
ﮐﺲ ﻃﺮﻑ ﺟﻮﺵ ﮐﺮﻡ ﺗﯿﺮﯼ ﻧﮕﺎﮨﯿﮟ ﺍﭨﮭﯿﮟ
ﮐﻮﻥ ﻣﺤﺸﺮ ﻣﯿﮟ ﺳﺰﺍﻭﺍﺭ ﻋﺘﺎﺏ ﺁﺗﺎ ﮨﮯ
ﻣﻮﺕ ﮐﯽ ﻧﯿﻨﺪ ﺑﮭﯽ ﺍﺏ ﭼﯿﻦ ﺳﮯ ﺳﻮﻧﺎ ﻣﻌﻠﻮﻡ
ﮐﮧ ﺟﻨﺎﺯﮮ ﭘﮧ ﻭﮦ ﻏﺎﺭﺕ ﮔﺮ ﺧﻮﺍﺏ ﺁﺗﺎ ﮨﮯ
ﺩﻝ ﮐﻮ ﺍﺱ ﻃﺮﺡ ﭨﮭﮩﺮ ﺟﺎﻧﮯ ﮐﯽ ﻋﺎﺩﺕ ﺗﻮ ﻧﮧ ﺗﮭﯽ
ﮐﯿﻮﮞ ﺍﺟﻞ ﮐﯿﺎ ﻣﺮﮮ ﻧﺎﻣﮯ ﮐﺎ ﺟﻮﺍﺏ ﺁﺗﺎ ﮨﮯ
ﺟﻠﻮۂ ﺭﻧﮓ ﮨﮯ ﻧﯿﺮﻧﮓ ﺗﻘﺎﺿﺎﺋﮯ ﻧﮕﺎﮦ
ﮐﻮﺋﯽ ﻣﺠﺒﻮﺭ ﺗﻤﺎﺷﺎﺋﮯ ﺳﺮﺍﺏ ﺁﺗﺎ ﮨﮯ
ﮨﻮ ﮔﯿﺎ ﺧﻮﻥ ﺗﺮﮮ ﮨﺠﺮ ﻣﯿﮟ ﺩﻝ ﮐﺎ ﺷﺎﯾﺪ
ﺍﺏ ﺗﺼﻮﺭ ﺑﮭﯽ ﺗﺮﺍ ﻧﻘﺶ ﺑﺮ ﺁﺏ ﺁﺗﺎ ﮨﮯ
ﻣﻠﺘﯽ ﺟﻠﺘﯽ ﮨﮯ ﻣﺮﯼ ﻋﻤﺮ ﺩﻭ ﺭﻭﺯﮦ ﻓﺎﻧﯽؔ
ﺟﯽ ﺑﮭﺮ ﺁﺗﺎ ﮨﮯ ﺍﮔﺮ ﺫﮐﺮ ﺣﺒﺎﺏ ﺁﺗﺎ ﮨﮯ
۔۔۔۔۔۔۔۔۔
ﺁﮦ ﺍﺏ ﺗﮏ ﺗﻮ ﺑﮯ ﺍﺛﺮ ﻧﮧ ﮨﻮﺋﯽ
ﮐﭽﮫ ﺗﻤﮩﯿﮟ ﮐﻮ ﻣﺮﯼ ﺧﺒﺮ ﻧﮧ ﮨﻮﺋﯽ
ﺷﺎﻡ ﺳﮯ ﻓﮑﺮ ﺻﺒﺢ ﮐﯿﺎ ﺷﺐ ﮨﺠﺮ
ﻣﺮ ﺭﮨﯿﮟ ﮔﮯ ﺍﮔﺮ ﺳﺤﺮ ﻧﮧ ﮨﻮﺋﯽ
ﮐﺲ ﺳﮯ ﺩﻝ ﮐﺎ ﺳﺮﺍﻍ ﭘﺎﺋﯿﮟ ﮔﮯ ﮨﻢ
ﺗﻮ ﮨﯽ ﺍﮮ ﺁﺭﺯﻭ ﺍﮔﺮ ﻧﮧ ﮨﻮﺋﯽ
ﺧﻠﻖ ﺳﻤﺠﮭﯽ ﻣﺠﮭﯽ ﮐﻮ ﺩﯾﻮﺍﻧﮧ
ﭼﺎﺭﮦ ﻓﺮﻣﺎﺋﮯ ﭼﺎﺭﮦ ﮔﺮ ﻧﮧ ﮨﻮﺋﯽ
ﮐﭽﮫ ﻧﻈﺮ ﮐﮩﮧ ﮔﺌﯽ ﺯﺑﺎﮞ ﻧﮧ ﮐﮭﻠﯽ
ﺑﺎﺕ ﺍﻥ ﺳﮯ ﮨﻮﺋﯽ ﻣﮕﺮ ﻧﮧ ﮨﻮﺋﯽ
ﺷﮑﻮﮦ ﮐﯿﺎ ﺍﻥ ﺳﮯ ﺧﻮﻥ ﻧﺎﺣﻖ ﮐﺎ
ﺯﻧﺪﮔﯽ ﺗﮭﯽ ﮨﻮﺋﯽ ﺑﺴﺮ ﻧﮧ ﮨﻮﺋﯽ
ﺣﺸﺮ ﮐﺎ ﺩﻥ ﺑﮭﯽ ﮈﮬﻞ ﮔﯿﺎ ﻓﺎﻧﯽؔ
ﺩﻝ ﮐﯽ ﺭﻭﺩﺍﺩ ﻣﺨﺘﺼﺮ ﻧﮧ ﮨﻮﺋﯽ
۔۔۔۔۔۔۔۔۔
ﺩﻧﯿﺎ ﻣﯿﺮﯼ ﺑﻼ ﺟﺎﻧﮯ ﻣﮩﻨﮕﯽ ﮨﮯ ﯾﺎ ﺳﺴﺘﯽ ﮨﮯ
ﻣﻮﺕ ﻣﻠﮯ ﺗﻮ ﻣﻔﺖ ﻧﮧ ﻟﻮﮞ ﮨﺴﺘﯽ ﮐﯽ ﮐﯿﺎ ﮨﺴﺘﯽ ﮨﮯ
ﺁﺑﺎﺩﯼ ﺑﮭﯽ ﺩﯾﮑﮭﯽ ﮨﮯ ﻭﯾﺮﺍﻧﮯ ﺑﮭﯽ ﺩﯾﮑﮭﮯ ﮨﯿﮟ
ﺟﻮ ﺍﺟﮍﮮ ﺍﻭﺭ ﭘﮭﺮ ﻧﮧ ﺑﺴﮯ ﺩﻝ ﻭﮦ ﻧﺮﺍﻟﯽ ﺑﺴﺘﯽ ﮨﮯ
ﺧﻮﺩ ﺟﻮ ﻧﮧ ﮨﻮﻧﮯ ﮐﺎ ﮨﻮ ﻋﺪﻡ ﮐﯿﺎ ﺍﺳﮯ ﮨﻮﻧﺎ ﮐﮩﺘﮯ ﮨﯿﮟ
ﻧﯿﺴﺖ ﻧﮧ ﮨﻮ ﺗﻮ ﮨﺴﺖ ﻧﮩﯿﮟ ﯾﮧ ﮨﺴﺘﯽ ﮐﯿﺎ ﮨﺴﺘﯽ ﮨﮯ
ﻋﺠﺰ ﮔﻨﺎﮦ ﮐﮯ ﺩﻡ ﺗﮏ ﮨﯿﮟ ﻋﺼﻤﺖ ﮐﺎﻣﻞ ﮐﮯ ﺟﻠﻮﮮ
ﭘﺴﺘﯽ ﮨﮯ ﺗﻮ ﺑﻠﻨﺪﯼ ﮨﮯ ﺭﺍﺯ ﺑﻠﻨﺪﯼ ﭘﺴﺘﯽ ﮨﮯ
ﺟﺎﻥ ﺳﯽ ﺷﮯ ﺑﮏ ﺟﺎﺗﯽ ﮨﮯ ﺍﯾﮏ ﻧﻈﺮ ﮐﮯ ﺑﺪﻟﮯ ﻣﯿﮟ
ﺁﮔﮯ ﻣﺮﺿﯽ ﮔﺎﮨﮏ ﮐﯽ ﺍﻥ ﺩﺍﻣﻮﮞ ﺗﻮ ﺳﺴﺘﯽ ﮨﮯ
ﻭﺣﺸﺖ ﺩﻝ ﺳﮯ ﭘﮭﺮﻧﺎ ﮨﮯ ﺍﭘﻨﮯ ﺧﺪﺍ ﺳﮯ ﭘﮭﺮ ﺟﺎﻧﺎ
ﺩﯾﻮﺍﻧﮯ ﯾﮧ ﮨﻮﺵ ﻧﮩﯿﮟ ﯾﮧ ﺗﻮ ﮨﻮﺵ ﭘﺮﺳﺘﯽ ﮨﮯ
ﺟﮓ ﺳﻮﻧﺎ ﮨﮯ ﺗﯿﺮﮮ ﺑﻐﯿﺮ ﺁﻧﮑﮭﻮﮞ ﮐﺎ ﮐﯿﺎ ﺣﺎﻝ ﮨﻮﺍ
ﺟﺐ ﺑﮭﯽ ﺩﻧﯿﺎ ﺑﺴﺘﯽ ﺗﮭﯽ ﺍﺏ ﺑﮭﯽ ﺩﻧﯿﺎ ﺑﺴﺘﯽ ﮨﮯ
ﺁﻧﺴﻮ ﺗﮭﮯ ﺳﻮ ﺧﺸﮏ ﮨﻮﺋﮯ ﺟﯽ ﮨﮯ ﮐﮧ ﺍﻣﮉﺍ ﺁﺗﺎ ﮨﮯ
ﺩﻝ ﭘﮧ ﮔﮭﭩﺎ ﺳﯽ ﭼﮭﺎﺋﯽ ﮨﮯ ﮐﮭﻠﺘﯽ ﮨﮯ ﻧﮧ ﺑﺮﺳﺘﯽ ﮨﮯ
ﺩﻝ ﮐﺎ ﺍﺟﮍﻧﺎ ﺳﮩﻞ ﺳﮩﯽ ﺑﺴﻨﺎ ﺳﮩﻞ ﻧﮩﯿﮟ ﻇﺎﻟﻢ
ﺑﺴﺘﯽ ﺑﺴﻨﺎ ﮐﮭﯿﻞ ﻧﮩﯿﮟ ﺑﺴﺘﮯ ﺑﺴﺘﮯ ﺑﺴﺘﯽ ﮨﮯ
ﻓﺎﻧﯽؔ ﺟﺲ ﻣﯿﮟ ﺁﻧﺴﻮ ﮐﯿﺎ ﺩﻝ ﮐﮯ ﻟﮩﻮ ﮐﺎ ﮐﺎﻝ ﻧﮧ ﺗﮭﺎ
ﮨﺎﺋﮯ ﻭﮦ ﺁﻧﮑﮫ ﺍﺏ ﭘﺎﻧﯽ ﮐﯽ ﺩﻭ ﺑﻮﻧﺪﻭﮞ ﮐﻮ ﺗﺮﺳﺘﯽ ہے
کوئی تبصرے نہیں:
ایک تبصرہ شائع کریں