بابائے اردو مولوی عبدالحق
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻣﻮﻟﻮﯼ ﻋﺒﺪﺍﻟﺤﻖ 20/ ﺍﭘﺮﯾﻞ ، 1870 ﺀ ﮐﻮ ﺳﺮﺍﻭﺍﮞ (ﮨﺎﭘﻮﮌ )، ﻣﯿﺮﭨھ ﺿﻠﻊ ، ﺍﺗﺮﭘﺮﺩﯾﺶ ﮨﻨﺪﻭﺳﺘﺎﻥ ﻣﯿﮟ ﭘﯿﺪﺍ ﮨﻮﺋﮯ ۔ ﻣﻮﻟﻮﯼ ﻋﺒﺪﺍﻟﺤﻖ ﮐﮯ ﺑﺰﺭﮒ ﮨﺎﭘﻮﮌ ﮐﮯ ﮨﻨﺪﻭ ﮐﺎﺋﺴﺘھ ﺗﮭﮯ، ﺟﻨﮩﻮﮞ ﻧﮯ ﻋﮩﺪِ ﻣﻐﻠﯿﮧ ﻣﯿﮟ ﺍﺳﻼﻡ ﮐﯽ ﺭﻭﺷﻨﯽ ﺳﮯ ﺩﻟﻮﮞ ﮐﻮ ﻣﻨﻮﺭ ﮐﯿﺎ ﺍﻭﺭ ﺍﻥ ﮐﮯ ﺳﭙﺮﺩ ﻣﺤﮑﻤﮧ ﻣﺎﻝ ﮐﯽ ﺍﮨﻢ ﺧﺪﻣﺎﺕ ﺭﮨﯿﮟ۔
ﻣﺴﻠﻤﺎﻥ ﮨﻮﻧﮯ ﮐﮯ ﺑﻌﺪ ﺑﮭﯽ ﺍﻧﮩﯿﮟ ( ﻣﻮﻟﻮﯼ ﻋﺒﺪﺍﻟﺤﻖ ﮐﮯ ﺧﺎﻧﺪﺍﻥ ﮐﻮ ) ﻭﮦ ﻣﺮﺍﻋﺎﺕ ﻭ ﻣﻌﺎﻓﯿﺎﮞ ﺣﺎﺻﻞ ﺭﮨﯿﮟ ﺟﻮ ﺳﻠﻄﻨﺖ ﻣﻐﻠﯿﮧ ﮐﯽ ﺧﺪﻣﺎﺕ ﮐﯽ ﻭﺟﮧ ﺳﮯ ﻋﻄﺎ ﮐﯽ ﮔﺌﯿﮟ ﺗﮭﯿﮟ۔ ﺍﻥ ﻣﺮﺍﻋﺎﺕ ﻭ ﻣﻌﺎﻓﯿﻮﮞ ﮐﻮ ﺍﻧﮕﺮﯾﺰ ﺣﮑﻮﻣﺖ ﻧﮯ ﺑﮭﯽ ﺑﺤﺎﻝ ﺭﮐﮭﺎ۔
ﺗﻌﻠﯿﻢ ﻭ ﻣﻼﺯﻣﺖ:
ﻣﻮﻟﻮﯼ ﻋﺒﺪﺍﻟﺤﻖ ﻧﮯ ﺍﺑﺘﺪﺍﺋﯽ ﺗﻌﻠﯿﻢ ﮔﮭﺮ ﭘﺮ حاصل کی ﭘﮭﺮ ﻣﯿﺮﭨﮫ ﻣﯿﮟ ﭘﮍﮬﺘﮯ ﺭﮨﮯ۔
1894 ﺀ ﻣﯿﮟ ﻋﻠﯽ ﮔﮍﮪ ﮐﺎﻟﺞ ﺳﮯ ﺑﯽ ﺍﮮ ﮐﯿﺎ۔ ﻋﻠﯽ ﮔﮍﮪ ﻣﯿﮟ ﺳﺮﺳﯿﺪ ﺍﺣﻤﺪ ﺧﺎﻥ ﮐﯽ ﺻﺤﺒﺖ ﻣﯿﺴﺮ ﺭﮨﯽ۔ ﺟﻦ ﮐﯽ ﺁﺯﺍﺩ ﺧﯿﺎﻟﯽ ﺍﻭﺭ ﺭﻭﺷﻦ ﺩﻣﺎﻏﯽ ﮐﺎ ﻣﻮﻟﻮﯼ ﻋﺒﺪﺍﻟﺤﻖ ﮐﮯ ﻣﺰﺍﺝ ﭘﺮ ﮔﮩﺮﺍ ﺍﺛﺮ ﭘﮍﺍ۔ 1895 ﺀ ﻣﯿﮟ ﺣﯿﺪﺭﺁﺑﺎﺩ ﺩﮐﻦ ﻣﯿﮟ ﺍﯾﮏ ﺍﺳﮑﻮﻝ ﻣﯿﮟ ﻣﻼﺯﻣﺖ ﮐﯽ ﺍﺱ ﮐﮯ ﺑﻌﺪ ﺻﺪﺭ ﻣﮩﺘﻤﻢ ﺗﻌﻠﯿﻤﺎﺕ ﮨﻮﮐﺮ ﺍﻭﺭﻧﮓ ﺁﺑﺎﺩ ﻣﻨﺘﻘﻞ ﮨﻮﮔﺌﮯ۔ ﻣﻼﺯﻣﺖ ﺗﺮﮎ ﮐﺮﮐﮯ ﻋﺜﻤﺎﻧﯿﮧ ﮐﺎﻟﺞ ﺍﻭﺭﻧﮓ ﺁﺑﺎﺩ ﮐﮯ ﭘﺮﻧﺴﭙﻞ ﮨﻮﮔﺌﮯ ﺍﻭﺭ 1930 ﺀ ﻣﯿﮟ ﺍس ﻋﮩﺪﮮ ﺳﮯ ﺳﺒﮑﺪﻭﺵ ﮨﻮﺋﮯ۔
ﺍﻧﺠﻤﻦ ﺗﺮﻗﯽ ﺍﺭﺩﻭ:
ﺟﻨﻮﺭﯼ 1902 ﺀ ﻣﯿﮟ ﺁﻝ ﺍﻧﮉﯾﺎ ﻣﺤﻤﮉﻥ ﺍﯾﺠﻮﮐﯿﺸﻦ ﮐﺎﻧﻔﺮﻧﺲ ﻋﻠﯽ ﮔﮍﮪ ﮐﮯ ﺗﺤﺖ ﺍﯾﮏ ﻋﻠﻤﯽ ﺷﻌﺒﮧ ﻗﺎﺋﻢ ﮐﯿﺎ ﮔﯿﺎ ﺟﺲ ﮐﺎﻧﺎﻡ ﺍﻧﺠﻤﻦ ﺗﺮﻗﯽ ﺍﺭﺩﻭ ﺗﮭﺎ۔ ﻣﻮﻻﻧﺎ ﺷﺒﻠﯽ ﻧﻌﻤﺎﻧﯽ ﺍﺱ ﮐﮯ ﺳﯿﮑﺮﭨﺮﯼ ﺭﮨﮯ ﺗﮭﮯ۔ 1905 ﺀ ﻣﯿﮟ ﻧﻮﺍﺏ ﺣﺒﯿﺐ ﺍﻟﺮﺣﻤﻦ ﺧﺎﻥ ﺷﯿﺮﻭﺍﻧﯽ ﺍﻭﺭ 1909 ﺀ ﻣﯿﮟ ﻋﺰﯾﺰ ﻣﺮﺯﺍ ﺍﺱ ﻋﮩﺪﮮ ﭘﺮ ﻓﺎﺋﺰ ﮨﻮﺋﮯ۔ ﻋﺰﯾﺰ ﻣﺮﺯﺍ ﮐﮯ ﺑﻌﺪ 1912 ﺀ ﻣﯿﮟ ﻣﻮﻟﻮﯼ ﻋﺒﺪﺍﻟﺤﻖ ﺳﯿﮑﺮﭨﺮﯼ ﻣﻨﺘﺨﺐ ﮨﻮﺋﮯ ﺟﻨﮭﻮﮞ ﻧﮯ ﺑﮩﺖ ﺟﻠﺪ ﺍﻧﺠﻤﻦ ﺗﺮﻗﯽ ﺍﺭﺩﻭ ﮐﻮ ﺍﯾﮏ ﻓﻌﺎﻝ ﺗﺮﯾﻦ ﻋﻠﻤﯽ ﺍﺩﺍﺭﮦ ﺑﻨﺎ ﺩﯾﺎ۔ ﻣﻮﻟﻮﯼ ﻋﺒﺪ ﺍﻟﺤﻖ ﺍﻭﺭﻧﮓ ﺁﺑﺎﺩ ( ﺩﮐﻦ ) ﻣﯿﮟ ﻣﻼﺯﻡ ﺗﮭﮯ ﻭﮦ ﺍﻧﺠﻤﻦ ﮐﻮ ﺍﭘﻨﮯ ﺳﺎﺗﮫ ﻟﮯ ﮔﺌﮯ ﺍﻭﺭ ﺍﺱ ﻃﺮﺡ ﺣﯿﺪﺭ ﺁﺑﺎﺩ ﺩﮐﻦ ﺍﺱ ﮐﺎ ﻣﺮﮐﺰ ﺑﻦ ﮔﯿﺎ۔ ﺍﻧﺠﻤﻦ ﮐﮯ ﺯﯾﺮ ﺍﮨﺘﻤﺎﻡ ﻻﮐﮫ ﺳﮯ ﺯﺍﺋﺪ ﺟﺪﯾﺪﻋﻠﻤﯽ ، ﻓﻨﯽ ﺍﻭﺭ ﺳﺎﺋﻨﺴﯽ ﺍﺻﻄﻼﺣﺎﺕ ﮐﺎ ﺍﺭﺩﻭ ﺗﺮﺟﻤﮧ ﮐﯿﺎ ﮔﯿﺎ۔ ﻧﯿﺰ ﺍﺭﺩﻭ ﮐﮯ ﻧﺎﺩﺭ ﻧﺴﺨﮯ ﺗﻼﺵ ﮐﺮﮐﮯ ﭼﮭﺎﭘﮯ ﮔﺌﮯ۔ ﺩﻭ ﺳﮧ ﻣﺎﮨﯽ ﺭﺳﺎﺋﻞ، ﺍﺭﺩﻭ ﺍﻭﺭ ﺳﺎﺋﻨﺲ ﺟﺎﺭﯼ ﮐﯿﮯ ﮔﺌﮯ۔ ﺍﯾﮏ ﻋﻈﯿﻢ ﺍﻟﺸﺎﻥ ﮐﺘﺐ ﺧﺎﻧﮧ ﻗﺎﺋﻢ ﮐﯿﺎﮔﯿﺎ۔ ﺣﯿﺪﺭﺁﺑﺎﺩ ﺩﮐﻦ ﮐﯽ ﻋﺜﻤﺎﻧﯿﮧ ﯾﻮﻧﯿﻮﺭﺳﭩﯽ ﺍﻧﺠﻤﻦ ﮨﯽ ﮐﯽ ﮐﻮﺷﺸﻮﮞ ﮐﯽ ﻣﺮﮨﻮﻥ ﻣﻨﺖ ﮨﮯ۔ ﺍﺱ ﯾﻮﻧﯿﻮﺭﺳﭩﯽ ﻣﯿﮟ ﺫﺭﯾﻌﮧ ﺗﻌﻠﯿﻢ ﺍﺭﺩﻭ ﺗﮭﺎ۔ ﺍﻧﺠﻤﻦ ﻧﮯ ﺍﯾﮏ ﺩﺍﺭ ﺍﻟﺘﺮﺟﻤﮧ ﺑﮭﯽ ﻗﺎﺋﻢ ﮐﯿﺎ ﺟﮩﺎﮞ ﺳﯿﻨﮑﮍﻭﮞ ﻋﻠﻤﯽ ﮐﺘﺎﺑﯿﮟ ﺗﺼﻨﯿﻒ ﻭ ﺗﺮﺟﻤﮧ ﮨﻮﺋﯿﮟ۔ ﺍﺱ ﺍﻧﺠﻤﻦ ﮐﮯ ﺗﺤﺖ ﻟﺴﺎﻧﯿﺎﺕ، ﻟﻐﺖ ﺍﻭﺭ ﺟﺪﯾﺪ ﻋﻠﻮﻡ ﭘﺮ ﺩﻭ ﺳﻮ ﺳﮯ ﺯﯾﺎﺩﮦ ﮐﺘﺎﺑﯿﮟ ﺷﺎﺋﻊ ﮨﻮﺋﯿﮟ۔ ﺗﻘﺴﯿﻢ ﮨﻨﺪ ﮐﮯ ﺑﻌﺪﺍﻧﮩﻮﮞ ﻧﮯ ﺍﺳﯽ ﺍﻧﺠﻤﻦ ﮐﮯ ﺍﮨﺘﻤﺎﻡ ﻣﯿﮟ ﮐﺮﺍﭼﯽ ، ﭘﺎﮐﺴﺘﺎﻥ ﺍﺭﺩﻭ ﺁﺭﭨﺲ ﮐﺎﻟﺞ ، ﺍﺭﺩﻭ ﺳﺎﺋﻨﺲ ﮐﺎﻟﺞ ، ﺍﺭﺩﻭ ﮐﺎﻣﺮﺱ ﮐﺎﻟﺞ ﺍﻭﺭ ﺍﺭﺩﻭ ﻻ ﮐﺎﻟﺞ ﺟﯿﺴﮯ ﺍﺩﺍﺭﮮ ﻗﺎﺋﻢ ﮐﯿﮯ۔ ﻣﻮﻟﻮﯼ ﻋﺒﺪﺍﻟﺤﻖ ﺍﻧﺠﻤﻦ ﺗﺮﻗﯽ ﺍﺭﺩﻭ ﮐﮯ ﺳﯿﮑﺮﯾﭩﺮﯼ ﮨﯽ ﻧﮩﯿﮟ ﻣﺠﺴّﻢ ﺗﺮﻗّﯽ ﺍﺭﺩﻭ ﺗﮭﮯ۔ ﺍﻥ ﮐﺎ ﺳﻮﻧﺎ ﺟﺎﮔﻨﺎ، ﺍﭨﮭﻨﺎ ﺑﯿﭩﮭﻨﺎ، ﮐﮭﺎﻧﺎ ﭘﯿﻨﺎ، ﭘﮍﮬﻨﺎ ﻟﮑﮭﻨﺎ، ﺁﻧﺎ ﺟﺎﻧﺎ، ﺩﻭﺳﺘﯽ، ﺗﻌﻠﻘﺎﺕ، ﺭﻭﭘﯿﮧ ﭘﯿﺴﮧ ﻏﺮﺽ ﮐﮧ ﺳﺐ ﮐﭽﮫ ﺍﻧﺠﻤﻦ ﮐﮯ ﻟﯿﮯ ﺗﮭﺎ۔
ﺑﺎﺑﺎﺋﮯ ﺍﺭﺩﻭ ﮐﺎ ﺧﻄﺎﺏ ﺍﻭﺭ ﺩﯾﮕﺮ ﺍﻋﺰﺍﺯ:
1935 ﺀ ﻣﯿﮟ ﺟﺎﻣﻌﮧ ﻋﺜﻤﺎﻧﯿﮧ ﮐﮯ ﺍﯾﮏ ﻃﺎﻟﺐ ﻋﻠﻢ ﻣﺤﻤﺪ ﯾﻮﺳﻒ ﻧﮯ ﺍﻧﮩﯿﮟ ﺑﺎﺑﺎﺋﮯ ﺍﺭﺩﻭ ﮐﺎ ﺧﻄﺎﺏ ﺩﯾﺎ ﺟﺲ ﮐﮯ ﺑﻌﺪ ﯾﮧ ﺧﻄﺎﺏ ﺍﺗﻨﺎ ﻣﻘﺒﻮﻝ ﮨﻮﺍ ﮐﮧ ﺍﻥ ﮐﮯ ﻧﺎﻡ ﮐﺎ ﺟﺰﻭ ﺑﻦ ﮔﯿﺎ۔ 23 ﻣﺎﺭﭺ ، 1959 ﺀ ﮐﻮ ﺣﮑﻮﻣﺖ ﭘﺎﮐﺴﺘﺎﻥ ﻧﮯ ﺻﺪﺍﺭﺗﯽ ﺍﻋﺰﺍﺯ ﺑﺮﺍﺋﮯ ﺣﺴﻦ ﮐﺎﺭﮐﺮﺩﮔﯽ ﻋﻄﺎ ﮐﯿﺎ۔
ﺗﺼﺎﻧﯿﻒ ﻭﺗﺎﻟﯿﻔﺎﺕ:
ﻭﮦ ﮐﺘﺎﺑﯿﮟ ﺟﻮ ﻣﻮﻟﻮﯼ ﺻﺎﺣﺐ ﻧﮯ ﻟﮑﮭﯿﮟ ﯾﺎ ﺟﻦ ﮐﻮ ﺗﺤﻘﯿﻖ ﻭ ﺣﻮﺍﺷﯽ ﮐﮯ ﺳﺎﺗﮫ ﺷﺎﺋﻊ ﮐﯿﺎ :
ﻧﮑﺎﺕ ﺍﻟﺸﻌﺮﺍ، ﺩﯾﻮﺍﻥ ِ ﺗﺎﺑﺎﻥ، ﮔﻠﺸﻦ ِ ﻋﺸﻖ
ﻗﻄﺐ ﻣﺸﺘﺮﯼ ﺩﯾﻮﺍﻥِ ﺍﺛﺮ، ﺗﺬﮐﺮﮦ ﺭﯾﺨﺘﮧ ﮔﻮﯾﺎﮞ
ﻣﺨﺰﻥ ﺷﻌﺮﺍ، ﺭﯾﺎﺽ ﺍﻟﻔﺼﺤﺎ، ﻋﻘﺪ ِ ﺛﺮﯾﺎ
ﮐﮩﺎﻧﯽ ﺭﺍﻧﯽ ﮐﯿﺘﮑﯽ ﺍﻭﺭ ﺍﻭﺩﮪ ﺑﮭﺎﻥ، ﺗﺬﮐﺮﮦ ﮨﻨﺪﯼ
ﭼﻤﻨﺴﺘﺎﻥ ِ ﺷﻌﺮﺍ، ﺫﮐﺮ ِ ﻣﯿﺮ، ﻣﺨﺰﻥ ﻧﮑﺎﺕ
ﺍُﺭﺩﻭ ﮐﯽ ﺍﺑﺘﺪﺍﺋﯽ ﻧﺸﻮﻭﻧﻤﺎ ﻣﯿﮟ ﺻﻮﻓﯿﺎﺋﮯ ﮐﺮﺍﻡ ﮐﺎ ﮐﺎﻡ
ﻗﻮﺍﻋﺪ ﺍُﺭﺩﻭ، ﻣﻌﺮﺍﺝ ﺍﻟﻌﺎﺷﻘﯿﻦ، ﺑﺎﻍ ﻭ ﺑﮩﺎﺭ
ﺳﺐ ﺭﺱ ﺍﺯ ﻣﻼّ ﻭﺟﮩﯽ، ﻗﺪﯾﻢ ﺍُﺭﺩﻭ
ﺳﺮﺳﯿّﺪ ﺍﺣﻤﺪ ﺧﺎﮞ - ﺣﺎﻻﺕ ﻭ ﺍﻓﮑﺎﺭ
ﭼﻨﺪ ﮨﻢ ﻋﺼﺮ، ﻧﺼﺮﺗﯽ - ﺣﺎﻻﺕ ﺍﻭﺭ ﮐﻼﻡ ﭘﺮ ﺗﺒﺼﺮﮦ
ﻣﺮﺣﻮﻡ ﺩﮨﻠﯽ ﮐﺎﻟﺞ، ﭘﺎﮐﭧ ﺍﻧﮕﺮﯾﺰﯼ ﺍُﺭﺩﻭ ﮈﮐﺸﻨﺮﯼ
ﺍﺳﭩﻮﮈﻧﺲ ﺍﻧﮕﺮﯾﺰﯼ ﺍُﺭﺩﻭ ﮈﮐﺸﻨﺮﯼ
ﺍُﺭﺩﻭ ﺍﻧﮕﺮﯾﺰﯼ ﮈﮐﺸﻨﺮﯼ
ﺍﺳﭩﻨﮉﺭﮈ ﺍﻧﮕﻠﺶ ﺍُﺭﺩﻭ ﮈﮐﺸﻨﺮﯼ
ﻟﻐﺖ ِﮐﺒﯿﺮ ﺟﻠﺪ ﺍﻭﻝ
ﺍﻧﺘﺨﺎﺏ ﮐﻼﻡِ ﻣﯿﺮ
ﺩﺭﯾﺎﺋﮯ ﻟﻄﺎﻓﺖ، ﮔﻞ ﻋﺠﺎﺋﺐ
ﺍﻧﺘﺨﺎﺏِ ﺩﺍﻍ، ﺍُﺭﺩﻭ ﺻﺮﻑ ﻭ ﻧﺤﻮ
ﺧﻄﺒﺎﺕ ﮔﺎﺭﺳﺎﮞ ﺩ ﺗﺎﺳﯽ
ﺩﯼ ﭘﺎﭘﻮﻟﺮ ﺍﻧﮕﻠﺶ ﺍُﺭﺩﻭ ﮈﮐﺸﻨﺮﯼ
ﺍﻓﮑﺎﺭِ ﺣﺎﻟﯽ
ﭘﺎﮐﺴﺘﺎﻥ ﮐﯽ ﻗﻮﻣﯽ ﻭ ﺳﺮﮐﺎﺭﯼ ﺯﺑﺎﻥ ﮐﺎ ﻣﺴﺌﻠﮧ
ﺳﺮ ﺁﻏﺎ ﺧﺎﮞ ﮐﯽ ﺍُﺭﺩﻭ ﻧﻮﺍﺯﯼ
ﻧﺎﻗﺪﯾﻦ ﮐﯽ ﺭﺍﺋﮯ:
ﮈﺍﮐﭩﺮ ﻋﺒﺎﺩﺕ ﺑﺮﯾﻠﻮﯼ ﮐﮯ ﻣﻄﺎﺑﻖ
ﺍﮔﺮ ﺑﺎﺑﺎﺋﮯ ﺍﺭﺩﻭ ﻣﻮﻟﻮﯼ ﻋﺒﺪ ﺍﻟﺤﻖ ﻧﮧ ﮨﻮﺗﮯ ﺍﻭﺭ ﺍﺭﺩﻭ ﺳﮯ ﺍﻧﮩﯿﮟ ﯾﮧ ﻭﺍﻟﮩﺎﻧﮧ ﻭﺍﺑﺴﺘﮕﯽ ﺍﻭﺭ ﻣﺠﻨﻮﻧﺎﻧﮧ ﻟﮕﺎﺅ ﻧﮧ ﮨﻮﺗﺎ ﺗﻮ ﮐﯿﺎ ﻭﺍﻗﻌﯽ ﻣﻮﺟﻮﺩﮦ ﺩﻭﺭ ﻣﯿﮟ ﺍﺭﺩﻭ ﮐﻮ ﻭﮦ ﻣﺮﺗﺒﮧ ﺣﺎﺻﻞ ﮨﻮﺗﺎ ﺟﻮ ﺁﺝ ﺑﮩﺖ ﺳﯽ ﺯﺑﺎﻧﻮﮞ ﮐﮯ ﻟﯿﮯ ﺑﺎﻋﺚ ﺭﺷﮏ ﮨﮯ ﺍﻧﮭﻮﮞ ﻧﮯ ﺍﺭﺩﻭ ﮐﻮ ﺍﺱ ﮐﯽ ﺍﮨﻤﯿﺖ ﮐﺎ ﺍﺣﺴﺎﺱ ﺩﻻﯾﺎ ﺍﺱ ﮐﻮ ﺍﭘﻨﮯ ﭘﯿﺮﻭﮞ ﭘﺮ ﮐﮭﭩﺮ ﺍ ﮨﻮﻧﺎ ﺳﮑﮭﺎﯾﺎ ﺯﻧﺪﮔﯽ ﮐﯽ ﺭﺍﮨﻮﮞ ﭘﺮ ﺩﻭﮌﺍﯾﺎ ﺍﺱ ﮐﮯ ﺑﺎﺯﺅﮞ ﻣﯿﮟ ﺣﺮﯾﻔﻮﮞ ﺳﮯ ﻣﻘﺎﺑﻠﮧ ﮐﯽ ﺳﮑﺖ ﭘﯿﺪﺍ ﮐﯽ ﺍﺭﺩﻭ ﮐﯽ ﺗﺎﺭﯾﺦ ، ﻣﺨﺎﻟﻔﺖ ﮐﯽ ﺗﺎﺭﯾﺦ ﮐﺸﻤﮑﺶ ﮐﯽ ﺗﺎﺭﯾﺦ ﮨﮯ ﮨﻨﮕﺎﻣﻮﮞ ﮐﯽ ﺗﺎﺭﯾﺦ ﮨﮯ ﺑﺎﺑﺎﺋﮯ ﺍﺭﺩﻭ ﮐﯽ ﺫﺍﺕ ﻧﮧ ﮨﻮﺗﯽ ﺗﻮ ﺍﺭﺩﻭ ﮐﮯ ﻟﯿﮯ ﺍﻥ ﻣﻨﺰﻟﻮﮞ ﺳﮯ ﮔﺰﺭﻧﺎ ﺁﺳﺎﻥ ﻧﮧ ﮨﻮﺗﺎ ﻣﻤﮑﻦ ﺗﮭﺎ ﮐﮧ ﻭﮦ ﺍﻥ ﻣﻌﺮﮐﻮﮞ ﻣﯿﮟ ﮐﺎﻡ ﺁﺟﺎﺗﯽ ﺍﻭﺭ ﺁﺝ ﮐﻮﺋﯽ ﺍﺱ ﮐﺎ ﻧﺎﻡ ﺑﮭﯽ ﻧﮧ ﻟﯿﺘﺎ۔ ﺑﺎﺑﺎﺋﮯ ﺍﺭﺩﻭ ﮐﮯ ﻃﻔﯿﻞ ﮨﯽ ﻭﮦ ﺯﻧﺪﮦ ﺍﻭﺭ ﺳﺮﺥ ﺭﻭ ﮨﮯ ﺩﻧﯿﺎ ﻣﯿﮟ ﺷﺎﯾﺪ ﮨﯽ ﮐﻮﺋﯽ ﻣﺜﺎﻝ، ﺯﺑﺎﻥ ﺳﮯ ﺍﺱ ﻗﺪﺭ ﺑﮯ ﭘﻨﺎﮦ ﻣﺤﺒﺖ ﮐﯽ ﮐﮩﯿﮟ ﺍﻭﺭ ﻣﻠﺘﯽ ﮨﻮ ﻭﮦ ﺳﭙﺮﺩﮔﯽ ﺍﻭﺭ ﺍﻧﮩﻤﺎﮎ ﺍﻭﺭ ﺍﺳﺘﻐﺮﺍﻕ ﺍﻭﺭ ﻭﮦ ﺩُﮬﻦ ﺟﻮ ﺟﻨﻮﻥ ﮐﯽ ﺳﺮﺣﺪ ﺳﮯ ﭨﮑﺮﺍﺗﯽ ﮨﮯ ﺩﯾﻨﺎ ﮐﮯ ﻋﻈﯿﻢ ﺗﺮﯾﻦ ﺩﻣﺎﻏﻮﮞ ﮨﯽ ﮐﺎ ﺣﺼﮧ ﮨﮯ ﯾﮩﯽ ﻭﺟﮧ ﮨﮯ ﮐﮧ ﺑﺎﺑﺎﺋﮯ ﺍﺭﺩﻭ ﮐﯽ ﺍﺭﺩﻭ ﺳﮯ ﯾﮧ ﻟﮕﻦ ﺗﺤﺮﯾﮏ ﭘﺎﮐﺴﺘﺎﻥ ﮐﯽ ﺭﯾﮍ ﮪ ﮐﯽ ﮨﮉﯼ ﺑﻨﯽ۔
ﻭﻓﺎﺕ:
ﺑﺎﺑﺎﺋﮯ ﺍﺭﺩﻭ ﻣﻮﻟﻮﯼ عبدالحق 16 ﺍﮔﺴﺖ 1961 ﺀ ﮐﻮ
ﮐﺮﺍﭼﯽ ﻣﯿﮟ ﻭﻓﺎﺕ ﭘﺎ ﮔﺌﮯ۔ﻭﮦ ﻭﻓﺎﻗﯽ ﺍﺭﺩﻭ ﯾﻮﻧﯿﻮﺭﺳﭩﯽ ﮐﺮﺍﭼﯽ ﮐﮯ ﻋﺒﺪﺍﻟﺤﻖ ﮐﯿﻤﭙﺲ ﮐﮯ ﺍﺣﺎﻃﮯ ﻣﯿﮟ ﺁﺳﻮﺩۂ ﺧﺎﮎ ﮨﯿﮟ۔
ﺗﺮﻭﯾﺞ ﺩﮮ ﺭﮨﺎ ﮨﮯ ﺟﻮ ﺍﺭﺩﻭ ﺯﺑﺎﻥ ﮐﻮ
ﺑﮯ ﺷﮏ ﻭﮦ ﺑﺎﻏﺒﺎﻥ ﮨﮯ ﺍﺭﺩﻭ ﺯﺑﺎﻥ ﮐﺎ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
کوئی تبصرے نہیں:
ایک تبصرہ شائع کریں